地獄級阿姐練成手記│不滿下屬辭職電郵直送HR被「黑化」：乜我平時好衰咩？

「衰阿姐」自認好相處

近日有女上司在Facebook專頁「奴工處」以「撫心自問唔係差上司 但個下屬咁樣對我」為題發文，指最近收到封辭職信，但要外出工作，未有時間即時處理：

「佢喺我星期五忙到甩轆嘅時候（遞信），因為全日都出咗去做嘢，有15分鐘時間上返嚟，簽下urgent文件，佢靜靜雞行入嚟，同我講佢要走，我仲有5分鐘個會就要開，我同佢講，我返嚟再同佢傾一傾。我6:10pm返嚟，佢已經走咗。」

女上司撲空後便查看電郵，發現下屬的辭職電郵同時CC（副本發送）給兩名HR。對此，女上司感到驚訝，認為下屬應該先遞辭職信，再知會HR。

「即係make sure我唔會唔收佢封信，所以一定要搵兩個人cc，而我上網睇，好多人都會教啲人咁做，因為有啲衰老闆會當自己冇收到封信，唔會比HR。」

與此同時， HR覺得該名女上司是一個「衰阿姐」，「（HR）驚我唔畀佢走，仲要打電話畀我，問我係咪平時對人好衰。」

女上司表示，自己是部門中最年輕的「阿姐」，從來不會大聲責罵下屬、決策都從下屬的利益出發、從未「拎佢哋出嚟祭旗」、不會強迫下屬共進午餐，而且被邀請時一定捧場。

因此，被下屬認為自己是「衰上司」實在感到不快，不禁大呻：「我唔應該帶感情去做人阿姐，因為返工只係一份工，但係佢有冇必要咁樣對我？」

她又感慨：「我覺得所有嘅阿姐黑化都唔係一朝一夕，而係被每一個衰同事傷害佢，以致去到今日地獄級，折磨啲同事。」

網民撐打工仔：無謂上演挽留戲碼

帖文引來網民熱討，不少網民表認為下屬的做法並無不妥：

• 「打工打到退休咩，人地轉工好正常，你得15分鐘係公司，如果唔通知hr，計埋星期六日，佢個通知期就遲多3日，你自己諗多咗」
• 「妳都識講唔好帶私人感情返工，可能佢都有佢既苦衷，必須走就無謂上演留住我吧嘅戲碼」
• 「cc HR保障自己好平常，唔需要咁緊張」
• 「禮拜五，仲要工已收，真係遞信遞得好urgent㗎，你想人哋點啫？」

也有網民安慰該名女上司，辭職原因多方面，毋需認為是針對自己：

• 「其實無必要咁上心嘅。你自問唔係衰阿姐，對得住天地良心就得啦。」
• 「往好嗰方面諗，你人太好，細嘅驚畀時間空間你開口留佢，佢人情難卻會走唔成先計到咁準啫」
• 「就算你幾好人，一個去意已決嘅人只會諗點可以走得順利，唔使話覺得自己有問題」
• 「啊姐並唔係唯一令下屬離開公司嘅原因， 公司文化、前景、工種各樣都係打工仔嘅考量」

延伸閱讀：27歲港男衰爛賭 月入25K欠債30萬！網民獻計3招將長命債「攤開嚟還」

延伸閱讀：港男買樓後悔落女友名 首期供樓一手包辦 拍拖9年想分手：當時情急出於信任