卸膊 有急事不能請假 5類上司 遇著應該要辭職 ｜職場制勝

撰文：Nic Chan| 圖片：unsplash、電視截圖、新傳媒資料庫

應辭職的情況1. 雞蛋裡挑骨頭

口頭禪：「其實你唔係做錯，但又唔係啱晒，總之有好多嘢要改善！」

身為一名上司，對下屬有要求是理所當然的事，不過若然長期兼過度地挑剔，下屬做得好但仍經常要求改善，分分鐘令對方愈做愈「冇癮」。

應辭職的情況2. 卸膊無責任

#口頭禪：「你自己搞掂啦！」、「我無印象講過！」

上司有「A字膊」，當工作上出問題，便會推卸至下屬。除了缺乏責任感，下屬「食死貓」太多，更會谷到一肚氣，隨時絕地反擊大爆發！

應辭職的情況3. 公器私用

口頭禪：「幫我做＿＿＿，用公數！」

一些上司會想盡辦法，務求好好利用公司資源謀「著數」。部分會逼下屬合作，甚或要求下屬幫忙做私人事，若下屬不合作或投訴，便會遭這些上司解雇。

應辭職的情況4. 有急事不能請假

口頭禪：「做晒啲嘢先走得！」、「要跟公司指引預先請假」

如果家人有急事或突然入院，普遍會向上司提出即時請假去處理，但一些上司以未完成工作或「未有事先申請」為由，否決下屬申請，一點彈性也沒有。其實工作為給予家人好生活，如果連照顧家庭也未能做到，那為什麼仍要工作？

應辭職的情況5. 過份團隊文化

口頭禪：「放工一齊去HAPPY HOUR，唔準早走。」「星期六去BBQ，帶埋屋企人嚟。」

一些公司為使同事們互相合作，通常會建立團隊文化，但超過應有的限度，例如以「建立團隊文化」為名，要求下屬早午晚三餐要一同進食、放工要一齊做運動、工餘一同參加興趣班等，隨時將對方個人生活抹煞。下屬又不好意思掃上司的興，唔想都要硬住頭皮出席，究竟放工後，是否真正的放工？