公司強制請病假要攞醫生紙 打工仔呻嘥錢嘥時間：我公司指定要急症室醫生紙

網民不解請病假要醫生紙

近日有打工仔在Facebook專頁「奴工處」發文，大呻請病假需要有醫生紙實在多此一舉。

該網民認為，有時候生病只需稍作休息就能康復，不滿打工仔想請病假休息，「公司就迫人一定要有醫生紙」。

「即係病到傻仲要落街等睇醫生，花咗錢唔食啲藥為咗張醫生紙」

網民：我老細只接受急症果張醫生紙！

帖文引來網民熱議，不少網民認同發文者的看法：

• 「病到返唔到工仲邊有氣力去睇醫生」
• 「有次試過M痛到暈，根本落唔到街睇醫生要瞓床休息。屋企唞咗一日好啲可以行得到時，屋企附近啲醫生診所已經關門冇得攞醫生紙。好慘，結果只能攞AL。」
• 「最慘係M痛都要俾人話點解要請病假」

帖文也引來不少打工仔大吐苦水：

• 「佢受你張私家醫生紙算唔錯，我N年前試過有個老細只接受急症果張醫生紙」
• 「變咗有啲人為咗唔請假就病都夾硬返傳播細菌同病毒，之後咪成公司啲同事陪佢一齊病囉，而且佢病咗，做事能力又冇咁好，都唔知夾硬迫人返為乜。」
• 「有做過公司只接受醫生紙，到診紙唔收，但有啲檢查係得到診紙，又要平日去，都無呃你喇大佬」
• 「講到明sl冇錢但都一定要有醫生紙，仲要唔包medic，佢仲要話醫生紙係證明你果日冇曠工」

也有網民表示請假政策因公司而異，「咁我真係好好彩，做過幾間美國同埋英國公司，SL半日，一日都冇特別要求，只要喺系統度mark 你病假就OK，冇扣人工、無扣AL」

另一邊廂，有網民對此安排表示理解，認為訂立規矩就是防止有人濫用病假：

• 「好簡單，因為香港一般請sl都係有薪。SL no pay果D幾時有聽過要醫生紙？」
• 「咁成件事又真係make sense嘅」
• 「無醫生証明，公司點開你病假條數?」
• 「冇返工邊做你啲工作？在美國、日本員工要提供replacement worker先可以攞假。唔使倒貼已算福利。」

延伸閱讀：Tesla中國版瘋狂減價 車主自嘲「超級韭菜大冤種」狂搶禮品：剛買車就虧幾萬

延伸閱讀：癡情男分手後借「大耳窿」向EX炫富：我活得比你好！難為阿媽幫手還債