診所職場事 寶豬趣聞 睇吓啫下集
仲要話女人先係『食家』。睇嚟佢真係五行欠打死變態～
我望住佢：「先生，你咁樣算唔算性騷擾我呀？」
（電影截圖）
佢望住我：「我要性騷擾都唔搵你啦，你有冇照鏡呀？」
哇～我真係想打鑊你喎。
我：「咁呢啲問題你不如問醫生啦～」
佢發火：「你唔係以為我真係性騷擾你呀嘛？你咁樣係貶低緊我喎？咁係你哋啲女人食㗎嘛！我問你有咩問題呀，你係咪女人呀？你唔係嘅我咪唔問囉？」
我：「先生我唔同你討論呢啲問題呀，呢度係診所，你要睇醫生嘅我可以幫你登記，其他問題我唔會同你討論㗎啦～」
過主啦！
佢：「你係咪未食過呀？」
我：「先生你唔係睇醫生嘅就麻煩你離開診所，你再係咁嘅我就叫保安嚟」
佢：「你報埋警都得呀！我而家問你嘢咋嘛，你就諗埋啲唔等駛嘅嘢，你知唔知你返緊份咩工呀？你份工唔係做呢啲嘅？你以為你做緊文員呀？」
我：「唔係睇醫生嘅就請你離開」
佢拎起舊精雲吞掉埋嚟我度：「你以為自己係上菜呀？我而家攞條嘢出嚟打你都得呀！」
好呀，攞呀，我拎定較剪呀～
我向醫生房大嗌：「醫生！醫生！」
佢：「我問你嘢你就九唔搭八，你唔好做啦，你唔想做唔好做啦，咩都唔肯做唔肯答嘅，你唔好做啦！」
醫生你係咪又覺覺豬緊呀？我：「醫生！醫生！」
佢：「唔駛嗌啦，而家係我唔想幫襯你哋呀，垃圾診所，垃圾姑娘！」
講完，佢就離開了～
喂～你舊垃圾仲喺度喎。
如果錯過了上集，不妨立即重溫。
有日有位先生嚟到診所。
佢行埋嚟登記處：「小姐～唔該你呀」
我抬頭望：「係～係咪登記睇醫生？麻煩你身分證呀」
佢：「未必係睇醫生…」
咩嘢叫未必係呢請問？你嚟整上網嗎？
我：「咁有咩幫到你？」
佢拎出一團紙巾，放喺枱面，同我打個眼色。
抆完屎呀？
我：「咩事呢？」
佢：「紙巾入面有嘢」
我：「有啲咩…」
佢：「MY THING」
乜SEVEN YOUR THING呀？你係咪戒賭斬手指包住咗佢呀？係咪想駁返呀？入急症啦YOUR THING !
我：「先生，如果你要睇醫生嘅，我就同你登記啦，呢度除咗睇醫生就冇其他服務㗎啦～」
佢：「你介唔介意幫我睇睇先呀」
好介意。
我：「我唔知你要我幫你睇啲乜，我只係負責登記啊，睇嘅交俾醫生好冇？」
佢：「我想你睇吓我啲精…」
醫生！醫生！有人請你飲麥精呀！
（電影截圖）
我：「我幫你登記呀，一陣你有咩問題都可以直接問醫生～身分證呀唔該」
佢：「你幫我睇吓啦PLEASE～」
我：「我睇完都答唔到你啲咩㗎啦～」
佢：「你得嘅，你話我知係咪好黃好腥就得㗎啦」
大佬，腥點用眼睇呀？
我：「我冇研究開呢啲，答你唔到㗎～有咩你都問醫生啦」
佢：「你睇都未睇…SOSAD」
我：「我真係負責登記㗎咋」
佢：「睇吓啫，你俾啲個人意見我咪得囉…」
我：「俾意見你嘅應該係醫生，而唔係我～醫生先係專業㗎嘛」
佢低頭望舊精：「但係食家係你哋啲女人嘛…」
…..你不如拎去街市問吓啲姐姐姨姨呀～
寶豬在診所工作真的見盡奇人奇事，除了以上病人，以下兩個都相當經典。
個案一：
有日一位女士睇完醫生出完藥俾完錢。
佢企咗喺度，郁都唔郁。
我：「小姐？冇事嘛？」
佢冇回應，任何反應都冇，眼神望向遠方。
我：「小姐？小姐？係咪好唔舒服呀？不如你坐低抖抖，見好啲先走？」
佢仍然唔理我。
同事拍拍我膊頭，示意我入藥房。
入到去，我：「唔駛睇住佢呀？」
同事：「唔駛啦，由佢啦，佢次次都係咁」
（電視截圖）
我：「咁神奇？」
同事表示冇我嘅事，我就出返去。
小姐仍然好堅定咁企喺度。
我冇理就繼續做手上嘅文書嘢啦～
做呀做～突然好大聲嘅『呀！』
哇，頂你個制呀，嚇到我頭髮都豎起。
我：「小姐？咩事呀？」
佢終於有反應：「我張收據呢？」
我：「咪喺袋入面囉？假紙都係～」
佢望望我：「你知我諗乜咩？」
做咩突然跳制呀你～我講東，你講西嘅？
我：「er……………唔知」
佢：「你做咩同我講嘢？」
同事即刻捉住我膊頭拉我入藥房。
同事：「咪叫咗你唔好理佢囉」
我：「但係佢問我嘢喎」
同事：「佢唔係同你講嘢呀」
我：「吓………………..」
同事：「你唔好多事啦，唔好應佢呀」
我：「哦….」
我內心好想知好好奇好想知好好奇好想知好好奇…
又出返去，小姐望住我，我又望住佢，我好好奇好想知呀～
佢：「你係咪諗緊我？」
我冇出聲。
佢再講：「我天生係與別不同，我知你諗咩，你係咪諗緊我？」
我都係唔出聲。心入面諗緊『比～卡～蕉～～～』
佢：「你唔信呀？你試吓諗樣嘢」
我有諗我真係有諗。『比～卡～蕉～～～』
佢：「你諗緊我呢？」
死開啦，自戀狂。
我開口：「唔係，你估錯咗啦！」
佢：「呀！！」
同事又捉咗我走了。
對唔住啦，我以後唔搭嗲啦～對佢。
個案二
電話響起～
佢：「姑娘呀？問你少少嘢得唔得呀？」
我：「你好，請問咩事呢？」
佢：「我而家有個傷口大到好恐怖，我想問點處理好呀？」
我：「你不如嚟診所俾醫生處理呀？」
佢：「我打得電話嚟就梗係我唔想睇醫生啦，你可唔可以答我呢？」
你又孤寒得幾率真啊。
我：「喺電話度我哋唔會知道你個傷口係點樣啊，不過最簡單嘅做法就係你去消毒洗傷口先嘅」
佢唔耐煩：「用咩洗呀？」
我：「洗傷口嘅藥水啊，藥房有得買～一包包粉紅色嘅」
佢：「你講啲我屋企有嘅得唔得呀？我冇嘅唔通又專登去買啦喎？」
你屋企有咩呀？豉油？米酒？鹽？糖？廁所水？我又唔係你工人，點知你有啲咩～
我：「先生，你不如都係嚟診所啦」
佢：「你再講多一次，我就收線！」
好呀！
我急急講：「先生，你不如都係嚟診所啦」
佢：「我問你有咩可以搞個傷口呀？」
說好的收線呢，人與人之間的信任在哪？你欺騙我…
我：「我唔清楚你屋企有啲咩可以洗傷口，所以你最好都係過嚟俾醫生睇睇啦」
佢：「我屋企有紅藥水黃藥水眼藥水同咳藥水」
咳藥水係搞笑的嗎？
我：「紅藥水同黃藥水都可以嘅」
佢：「紅定黃呀？」
你喜歡啦。
