診所職場事【寶豬趣聞】搵工的少女 ｜珍寶豬
廣告
【診所職場事】有日一位少女嚟到診所。
佢指指門外告示問：「係咪請人呀？」
我：「係呀，你係想做全職定兼職？」
佢：「全職人工高啲？」
撰文：珍寶豬
我：「係嘅，不過相對返工嘅時間就長啲囉，我俾份表你，你幫我填咗先呀」
佢望望份表：「人工呢欄係我填㗎？」
我：「係啊，你期望嘅人工嘛」
佢望望我：「你而家幾錢人工呀？」
我冇諗過要話你知我幾錢人工喎…
我：「我幾錢人工同你期望有幾錢人工冇關係㗎～」
佢：「咁…你哋呢行應該有幾錢人工呀？同埋係咪冇咩嘢做㗎？」
冇咩嘢做？你以為我真係日日返嚟坐喺度等收工呀？如果係嘅點解醫生自己唔坐埋一份算呀？
我：「都睇你有冇經驗嘅，如果冇嘅初入職就應該萬零啦～都多嘢做㗎，有時忙起上嚟，我哋可以飯都冇時間食。」
佢打個突：「萬幾？返幾多個鐘呀？」
我：「呢度全職就係朝九晚八，中間有三個鐘休息時間～不過好多時都要OT」
佢：「萬幾蚊全日俾晒份工㗎啦喎！」
我：「…都係呀～咁你仲填唔填表呀？」
佢掉低份表同枝筆：「梗係唔制啦，坐監咁，得萬幾人工要我俾晒份青春出嚟呀？搵快錢好過啦！」
我執返份表同筆：「嗯，咁…希望你搵到份啱心水嘅工啦～」
佢停一停諗一諗：「個醫生好靚仔㗎？」
我認真回答：「叔叔嚟～」
佢：「叔叔冇問題呀，靚仔有錢咪得囉」
