打工仔辭職後有得分Bonus？網民狂嘲「太天真」：試過畀公司即時Cut轉賬！
廣告
踏入2023年，打工仔開始期待公司派花紅。近日有人計畫在出花紅前離職，於是請教網民是否有機會拿到花紅，有網民直言「諗多咗」，並分享自身經歷，「公司即刻截咗個自動轉賬」！
打工仔出花紅前離職
近日有打工仔於香港討論區請教網民關於花紅的問題，發帖者表示，由於特殊原因，需要在出花紅前夕辭職，於是請教網民：
「如果在出花紅前夕辭職，但辭職日子遲過出花紅日子，有冇機會拎唔到？」
發文者續指，自己詢問過直屬上司和同事們，同事們的意見兩極，「有D話拎到，有d話有機會冇。」上司則表示決定權在於人事部。
網民：公司即刻截咗個自動轉賬
帖文引來網民熱討，打工仔紛紛留言自己的看法，大部分人認為「俾係人情，唔俾係道理」，出花紅前辭職很大機會沒有花紅：
- 「梗係有機會拎唔到，萬大事等花紅過咗數先出手交信辭職」
- 「有同事出花紅前一天俾信公司，即cut bonus轉賬」
- 「真人真事，N年有人出糧（+花紅）前一日遞信。公司accounts打個電話俾銀行個account manager, 即刻幫公司截咗個自動轉賬」
- 「還原基本步睇公司員工手冊」
- 「間間公司都唔同，直接問hr啦」
也有打工仔認為出花紅視乎公司的做法，並分享自己離職後拿到花紅的經驗：
- 「好耐之前係外國大公司做，走咗半年佢仲出返bonus 俾我」
- 「我以前間美資公司年尾會決定花紅幾多，仲講埋4月先出，辭左職都會有。」
- 「以前洒店做到10月退休，過咗年都分到4分3花紅，當年出3個月花紅」
- 「舊公司如果你唔係做得太差嘅都會畀你， 我都係辭咗職拎花紅」
《僱傭條例》咁樣講
《僱傭條例》列明年終酬金的定義及獲取資格：
定義
年終酬金是指根據僱傭合約訂明每年發放的酬金，包括雙糧、第 13 個月糧、年尾花紅等，但不包括屬賞贈性質或隨僱主酌情發放的款項。
享有年終酬金的資格
僱員以連續性合約受僱滿整個酬金期，便可獲得年終酬金。酬金期應根據僱傭合約內指明的期間，如果沒有指定，則以農曆年度計算。
《僱傭條例》沒有明文規定僱主必須支付年終酬金，包括雙糧及花紅。而僱員能否享有年終酬金，須視乎僱主及僱員的協議。
圖片來源：Unsplash@ Israel Andrade、unsplash@jannerboy62
