職場申訴大會 有難同當的好上司可遇不可求 網民細數壞上司3大罪狀 做出氣袋、代罪羔羊：希望你唔好再喺我人生出現
撰文：經一編輯部｜圖片：unsplash、連登討論區截圖
有網民於連登討論區以一人一句想同你上司講既嘢為題開post，向上司甚或老闆表達「心底話」。當中雖然有部分留言比較正面，對遇到好上司表示感謝，然而十居其九都是怨氣十足，儼如「申訴大會」。
好上司：體恤下屬 有難同當
好多謝你畀咗好多機會我，悉心裁培之餘有咩鑊都幫手頂、一齊拆。有時做錯嘢自己都覺得自責同唔好意思嘅時候，你反而連鬧都冇鬧一句，只係話下次小心啲唔好再錯。做嘢又一齊做唔會扔低比我自己做，識得體恤下屬，齊上齊落，好想跟你一世
在為數不多的正面留言中，有網民分享指上司不但悉心裁培，更有難同當，揚言想「跟足一世」。俗語有話，陪伴就是最好的關心，何況在權力不平衡的職級關係中，上司能設身處地為下屬設想，甚至共同面對，對人微言輕的打工仔而言絕對彌足珍貴。
咁好既上司邊度揾
可唔可以介紹比我？
你就好啦 要好好珍惜
一眾網民對此表示相當「葡萄」，並勸勉樓主要好好珍惜。
至於，大部份網民都留言遇到的壞上司，到底如何罪犯滔天？以下就詳列壞上司的三大罪狀：
壞上司罪狀一：阻人放工
無錯！作為打工仔除了希望準時出糧外，亦希望準時下班，尤其在香港這個全球最長工時之一的地方，阻人收工尤如殺人父母！難怪成為最多網民抱怨的罪狀。
我想放工….…..
成日叫人幫你頂，你XX，頂到我自己要ot到11點
幾時放得工啊
自己鍾意返工返飽佢啦 阻人收工
以上留言是否似曾相識呢？相信十個香港人九個都曾試過OT，不知上司們收到下屬這些腑肺之言又有何想法呢？
壞上司罪狀二：厚此薄彼 對人不對事
所謂「公還公，私還私」，職場上工作本來不應該帶入太多私人情感，更不應對人不對事，試問誰會想受到不公平的對待？
個人情感咪帶返工發洩
成日玩針對 玩人玩得好開心？
唔捨得鬧愛將就唔好搵我嚟出氣
辭咗職仲好驚隨時俾人鬧 希望你唔好再喺我人生出現
連「男神」黃子華都曾名言人工有「一半係畀你做嘢，一半係畀你受氣嘅」，用作諷刺職場上普遍的受氣文化。回歸理性，沒有人有義務接收他人的負面情緒，而且對人不對事甚至厚此薄彼更會予人不專業的感覺，故此成為網民心中的第二大罪狀絕對是罪有應得。
壞上司罪狀三：有口話人無口話自己
舉起一隻手指指人，三隻手指卻指向自己！即使聖人都有錯，何況是上司？然而，許多時上司犯錯不自覺，作為下屬要私下補救，更慘淪為代罪羔羊，被上司反過來責備，真是十分冤枉。
你以為你自己唔會做錯？
你大粒你勁 無人敢當面X你仲默默幫你執手尾咋有功就你拎 有錯就我哋細嘅食
事實上，基於職場上的權力關係，上位者容易因失去權力制衡而犯下錯誤，下屬又不敢提點，故作為上司理應比下屬更有自省能力，並有胸襟承認錯失，否則就成為網民所指的壞上司。
