網民熱議完美返工時間 返9點效率最低、朝10晚4先最完美？有人想返足6日：老細係我Daddy Mummy！
廣告
對許多打工仔而言，返工時長或會影響工作效率。日前，有人發文討論何謂最完美的返工時間。帖文一出，引起不少網民熱議，有人指朝10晚4才是最完美的時間，卻有人認為返工時間太短，反而會感覺太hea。
撰文：經一編輯部｜圖片：Unsplash
返朝十晚四是最完美？
早前，有人於連登討論區以「朝十晚四係咪人類最完美返工時間？」為題發文，稱表示返工朝10晚4是最完美的：
「6個鐘啱啱好（當中有一個鐘食飯），人生有意義又有貢獻，工作時間完美，唔太早唔太晏。」
在文末，他更向一眾網民發問，若依照朝10晚4的返工時間，人工打8折，會願意返工嗎？有部分網民回覆樓主，指在扣減人工的情況下，願意返朝10晚4，但更多網民沒有直接回覆樓主，反而討論何謂「完美返工時間」，
網民撐巴打 更指1個星期返4日更理想
有網民力撐巴打，認同朝10晚4是個完美的返工時間，更有不少人指如果一個星期返4日的話會更完美。
- 「朝10晚4 ，四天工作，咁就最完美」
- 「朝10晚4其實先正常，計埋搭車已經朝9晚5，加埋4天工作先喺完美返工時間」
返10放4反而覺得有啲hea？
雖然大部分網民均同意樓主的講法，惟有網民留言表達不滿，直言返10放4「會覺得自己有啲hea」，更有人指出，返10點「屎忽未坐暖過」便到放飯時間。
網民轟返九放六效率低 寧願快手做完早收工
事實上，網民對返工時間的意見不盡相同，惟他們都認同返朝早9點反而會令效率下降。他們寧願早點收工走，加快工作效率。
- 「人生根本唔應該咁。其實9點番到去都無心做嘢啦。食完飯又眼訓，又hea多陣。如果4點放工，就有心機快快手做哂佢收工。」
- 「返9放6根本係X線，返工來回都個幾鐘，呢啲時間根本要出返人工，放工返到屋企食埋野沖埋涼得返好少時間之後就瞓。」
有人撐返足6日、朝9晚5更好
除了反對樓主的觀點外，有網民直指願意「朝10晚10」，甚至有人表示返足6日反而更好。網民續解釋，表示太遲返工，會不夠時間沖咖啡、食早餐，整個人的反應會變慢，所以寧願返9點。
更有網民表達對公司的熱愛：
「公司就係我第二個屋企，同事就係我家人，老闆係我 daddy mummy。」
完美返工時間因人而異 網民：有咁美好就好
儘管網民均熱烈討論「完美返工時間」，惟人人意見不同，有網民笑言「應該唔洗返先係」；又有網民指「ff下都覺得開心」、「有咁美好就好」。
