點解有人會窮一世 返無前途嘅工致窮？網民：臨老唯一記得係點用45年死做爛做
撰文：Nicole｜圖片：unsplash
5項「思想奇怪」之處
首先，樓主認為這些人的通病是工資低，但支出大。
「例子1. 豆屎咁丁既人工，無學歷，話買唔起樓，但每個月放一半糧落手機GAME 課金」
即使他們有大學的學歷，但工作表現卻與中學畢業的相若。
「例子2. 話讀大學 讀完都係同中六出黎無分別，但事實佢自己無能力入」
「無前途」的工作？
樓主又稱，這些人是做「無前途」的工作，身邊有人做這些工作的原因是方便「打機同女朋友傾嘰（偈）」。
「3. 搵緊都係D無前途，返下午3,4點做到半夜既既工，問佢點解做落去，佢話夜晚要打機同女朋友傾嘰（偈），所以日頭早上要訓教。」
另外，樓主亦點名提到讀藝術的人及大學生。
他認為前者只是做一些「低技術無前途」的工作，加薪幅度緩慢。
至於後者，有些人在讀書時期並沒有做實習，累積相關工作經驗。
「4. 讀藝術既科，但實質出黎只係成世做緊D低技術無前途，做十幾年都可能二皮都無，個個佢轉行，但佢就當所有叫佢轉行既人都係佢敵人」
「5. 大學生，講到自己畢業幾X威幾X威，考政府工幾易，但完全唔做實習，即使大公司都唔做，話實習咁少人工 出去幫人私補仲好，最後畢業」
可憐之人必有可恨之處？
對於樓主列出的五大致窮思想，有網民表示認同，直言「可憐之人必有可恨之處」。
更有人列出日常生活中的例子引證，例如有網民的師兄以「炒散」為業達10多年一，只因認為長工辛苦。
「小野啦，以前做炒散，識有個師兄十幾做到三十歲左右，問佢點解唔反長工，佢就話辛苦，但反炒散一星期返三日搵得幾千蚊一個月，keep 住十幾年」
「我夠膽話樓主口中嘅第一種人佔香港後生仔一半以上，逗一萬幾千，日日話冇錢買樓呢樣嗰樣，但實際上課金旅行食貴野掃貨就眼都唔眨」
「大把人17、18K，每個月買2、3對波鞋，又充大頭鬼養車，又日日食好西，儲蓄? 一個月儲1K，佢地會覺得自己好西利」
有人提到，不僅是賺多少錢、做甚麼工作的問題，更重要是有些人沒有上進心，沒有想過如何脫離目前的困局。
「最重要係有班人完全無上進心。得過且過咁過日子，一有錢就洗晒D錢去娛樂，無錢就再去打份無前途既工。」
「其實呢個世界好多人都冇上進心，做人得過且過就算，人生又冇計劃冇進修又冇儲錢，完全冇諗過點脫離困局」
網民：人各有志
另外，亦有網民認為「人各有志」，各人有權選擇自己的生活方式。
「人地鍾意返散工關你鬼事咩，工作壓力低，私人時間多，個人開開心心咪夠，俾你搵幾皮都係買唔到樓」
「人各有志，有d人想舒舒服服過世算，你估發達兩字唔使付出巨大代價咩，就算你搵到好多錢，健康都有一定嘅勞損，而且搵咁多都係留俾下一代，何苦呢」
「一世人個過程最緊要，人各有志，追求嘅都唔同，最緊要開心，唔好淨係一味怨，之後一成不變，把尺唔同，點度都唔岩嘅」
有人認為，人生匆匆數十載，最重要的不是錢，錢就花就可以，「錢維持到自己想要既生活質素咪得，自己拎個平衡」。
而人生的意義、自己開心及滿足感更為重要。
「為五斗米折腰而放棄自我，呢啲人就算有錢都只係物質上開心，或者錢係緊要，但人生苦短數十年，難得有樣嘢自己係鐘意做完會開心，又有咩所謂呢」
「你諗下 命大家都咁多，你要窮一生去做金錢奴隸，可以住洋樓養蕃狗，日日花天酒地，但你無賦予一個有意義嘅人生俾自己，到你臨老個陣回想一生，會發現自己原來活到80歲，根本無乜嘢值得自豪，唯一記得就係點樣用45年去死做爛做」
