準時收工有罪咩 上司總係放工時俾嘢我做
廣告
話說上排我間行就中咗個投訴。
有日，有位醫生啦，5點半嚟銀行敲門話要入嚟拎卡。適逢有位RM見完客喺門口送客，就升起咗度閘。咁嗰位醫生就想衝閘啦，然後就比保安攔住。
文章授權：90後銀行小妹甩轆記
咁嗰位送客嘅RM就好無奈咁企係門口度同佢講：「5點過後唔入得。」講完咁就入返分行內部。
咁個醫生就係門口嘈啦……
醫生：「我營業時間都係去到5點！我唔收咗工先嚟，點嚟？！點解唔入得先？你哋人未走，一係你拎出嚟比我囉！」
咁保安再三同佢講：「銀行已經關門啦。」
醫生：「邊個講嘅先？叫你經理出嚟見我！」
咁出嚟嘅係個營運主任(OH)，就話啦，「呢位客人你真係咁需要拎卡嘅，就破例一次幫你啦。」
正當大家以為件事完咗，第日就收到部門嘅投訴email——內容就話客戶投訴職員「不禮貌」，包括路過嗰位職員無幫佢開門 (即係嗰個RM)、喺房做緊嘢嘅職員無同佢打招呼 (呢位同事係房門都無出過就食埋個投訴)。
結果OH又頭都大埋咁作文解釋，心諗：呢個乜鬼嘢醫生，要人出去同佢打招呼！
