港大Fresh grad首日返工即收同事「紅色炸彈」：拆彈專家建議咁樣回敬

上任第一日 極速收炸彈

樓主表示，自己新職上任第一日，就收到紅色炸彈大感奇怪：

「HR帶咗我去唔同部門打招呼，跟住lunch time嘅時候冇啦啦有個同事過嚟，話佢嚟緊結婚 就比咗張請帖比我…」

質疑對方婚禮到底係幾咁缺人，才會派帖給素未謀面的人。

網民：佢真係派得落手

不少網友亦對樓主的首日即收同事「紅色炸彈」事件表示好奇，並化身「拆彈專家」提示樓主不要出席婚禮，否則便會「上當」：

• 「咁佢又派得落手嗰下勁喎。」
• 「只要佢唔尷尬，尷尬的就係你。」
• 「你同佢唔熟，先第一日返工，可以當冇呢件事發生。」
• 「唔好去，去婚禮要識先有意思，你連佢幾歲全名叫咩幾時生日都唔知就去佢婚禮，見證有咩意思？」

打工仔：佢可能要還咭數

有打工仔分享親身經歷，表示曾經目睹類似事件。曾經見過新同事收帖，而當時新同事的回應令他印象深刻。

「舊公司嗰陣有同事試過，佢直接答：『下，我返咗兩日咋喎？』」

亦有網民關心派帖同事的財務狀況。

• 「間公司人工好低？」
• 「呢位同事爭落好多咭數定爭大耳窿錢？」

亦有網民剖析派帖同事心理，對方只是不想樓主感覺被排擠，才好心派帖。

• 「不過可能係所有人有你冇，佢禮貌上先派俾你。」
• 「佢應該只係禮貌上派埋俾你姐，唔俾你又唔知你會點諗。」

人情公價2023｜10個熱門擺酒地點人情價目表

今年婚宴人情未有調整，高級酒店及一般酒店分別維持在港幣$1,500及港幣$1,000，私人會所及特色婚宴場地人情中位數均與去年相同（港幣$1,000），而酒樓、午間婚宴及西餐廳人情中位數亦維持於港幣$800水平。

不過，「邀請出席於婚姻註冊處/教堂的簽紙儀式」人情中位數由去年港幣$300升達66%至港幣$500；而「只派餅卡，沒有邀請出席婚禮/婚宴」的人情中位數更由港幣$100升2倍至港幣$300。

延伸閱讀：90後賣餅女月入10萬 化身「扶弟魔」供養細佬：弟弟好、父母好、我們就好

延伸閱讀：打工仔入咗「洗腦公司」 發現福建老細+同事3大奇怪行為：我應唔應該辭職？