做足9年 人工得15,000蚊 網民﹕轉工唔好諗 職場講銀唔講人情｜職場
撰文：Smart ED編輯部 ｜圖片：unsplash
初級文職月入呢個數？
樓主發文表示，有同事正在做物流文員，希望公司加薪至13000元，惟公司不願意，於是便辭職了。
許多初級文職月入僅11,000至12,000，樓主又指，曾有前同事上班9年，人工只得15,000元。
即使升職，非專業的工種的人工亦難過20,000元，故認為入息中位數是15,000至16,000元很合理。
網民﹕好難生活
不少網民就此發表意見，其中很多人都認為這個水平的薪金難以生活。
「今時今日的香港11、12k點生存」、「今時今日無20k 都好難生活」、「有時望住啲同事30幾歲仲收緊12-14k人工，更甚係有堆友仲有小朋友，心諗做clerk點養仔?」
有人認為，現時有一技之長的人士更為吃香，一些技工型的工種有更高人工。
「呢個年代文職多，反而冇咩讀過書，技工型既比較好pay」。
考政府工係出路？
此外，有網民就提出，這些人可以去考政府工。
「香港人唔轉工不如做政府，趁未結婚，一年轉一兩次就差唔多」。
不過亦有人指，其實很多人隔數年就會轉工。
「其做兩三年見無乜前景人工又加得慢走好過啦，邊有人仲會留十年八年，一係佢屋企幾層樓比佢收租佢純粹搵份hea工過日晨，唔係做多幾間公司見識下好過」。
網民﹕職場講銀唔講人情
但亦有人認為，加薪與否，需要視乎學歷。
因為不少大公司是根據學歷決定升遷，所以新畢業生剛工作時的工資會較低，但之後的升遷空間亦會較大。
「我十幾年都係連埋B仔平均15K，冇得升架，因為大公司係睇學歷唔係睇年資，你做多十年都係咁」、「其實fg大學生都只係賺緊around 14k(唔計專科)，只需要中學學歷嘅clerk逗11、12k，比大學生少兩千都合理，但當然我覺得兩者薪金都有上調空間」、「所以香港地fg 左幾年都係加得1、 2k 既話即轉工唔好諗，職場講銀唔講人情」。
延伸閱讀﹕
今日人工得$12,000唔緊要 一定要學識「真努力」
【今日人工得$12,000唔緊要 一定要學識「真努力」】有人話，現代人愈嚟愈悲觀，佢哋唔明白，嗰啲說話只係陳述句子，當中沒有帶一絲情緒。「樓咁貴儲十世都買唔到啦！」、「無父幹已經輸了，李嘉誠都係書香世家出生！」
撰文：Purple弟弟 ｜ 圖片：電視截圖、unsplash
以上都是事實，不過人的接受程度不一，有人接受唔到可能會出現反社會人格；
有人接受唔到，會想盡方法希望改變殘酷現實；
不過無論你係邊種人都好，認清問題的話，問題就解決咗一半。
如果你接受社會不公，出生家底係好重要，咁就希望你睇埋落去。
想成功絕不能不努力
相對於出生好嘅人，我哋呢啲平民學習環境比唔上人哋，父母教育程度亦多數不及有錢人，人際網絡同機遇都差天共地，而惟一有機會贏嘅只係「天資」！
不過即使你天生聰明過人，但窮黑馬始終難搵到伯樂。
聰明過人當然係好事，但因為人人唔同所以都無法討論。
條件差 人工只得$12,000
假如我哋天資平平，以上所有條件又係「投胎」問題，我哋控制唔到，咁答案其實已經浮面，你惟一控制到嘅就係努力！
你諗下人哋有錢又努力，你今日人工只得$12,000，條件已經差過人仲努力都唔肯，差距只會愈大，反之你努力過有錢人，即使得少少都好，總會有成果。
何謂「真努力」?
假如你認同縮短貧富差距係需要努力，咁你都要學識咩叫「努力」。
如果你出身基層，應該聽過父母不時同你呻，「我咁比心機將你養育成人」、「我咁辛苦供書教學」、「我咁辛苦打兩份工」諸如此類的說話。
其實好殘酷咁講句，呢種父母非但不努力，更加係懶！
唔肯跳出舒適圈
懶在唔肯思考唔肯跳出舒適圈。
所謂好努力，只係打一份工打足十年，無諗過點樣可以搵更多，比藉口自己乜都唔識，已經「做到最好」。
所以你會留意到好多四、五十歲嘅人都唔係好識用智能電話。
雖然佢哋日日手持iPhone，但點樣上網、點樣較靜音都唔了解，因為佢哋已經認定咗自己年紀大，係呢方面點都唔及後生。
即使係中文版面，好多嘢都係跟指示操作就解決到嘅問題，佢哋都會直接搵仔女幫忙，而唔係自己摸索一番先。
而真努力就係要改變呢種諗法，只要唔好自己搵個天花板檔住自己，其實自己可以飛更高更遠。
再具體一啲，就係要不安於現狀以及自律，為自己訂立更高目標。
訂立方向同計劃，再自律咁去按計劃執行就為之「真努力」！
如果仲係一味死做爛做，同隻牛有乜分別？
「隻牛係日日都好勤力，但係咪發到達？」
