打工仔呻辭職後 上司態度180度轉變 網民點解話「人走茶涼」係香港職場嘅常態？
廣告
每逢農曆新年前後，是香港的轉工旺季。 不少打工仔在領取獎金、花紅後，再決定是否自己的出路，部分人會選擇辭職，另覓去向。日前，有位打工仔在討論區內發文，表示自己向上司表達月尾辭職走的意向後，對方態度180度轉變，令自己心淡。不少網民對打工仔的遭遇感同身受，紛紛認為世態炎涼，見慣不怪。
撰文：經一編輯部｜圖片：Unsplash
樓主：辭職後上司態度180度轉變 秒變陌生人
有位打工仔日前在香港討論區以「一話做到月尾辭職，阿頭態度即180度轉變，見到朝呼都唔打」為題發文，表示自己向上司表達月尾辭職走的意向後，對方態度突然轉差，甚至連招呼都不打。
「一個星期前仲嘻嘻哈哈，一齊整幾個櫃，又話好知佢心意。今朝搭lift，講早晨唔應機，對我態度變晒。明嘅…準備走嘅人，使同我講咁多嘢。都好，等我更堅決咁走！」
網民力撐樓主「走得好」 有人直言職場本無友誼
雖然有網民認為樓主上司的做法合理，稱「教咗咁多嘢畀你，諗住後繼有人，點知你學識就走，想佢點對你？」，但更多網民一面倒同情樓主的遭遇，部分人力撐樓主「走得好」，更有人指職場本無友誼，人走茶涼是常態。
- 「正常呀，人之常情，見慣不怪！」
- 「算啦，打工係咁，大家互相利用，打工同喺公司邊有朋友啦。」
- 「人走茶涼，咁正常啦。」
- 「正常啊，個個都現實，所以搵到個好上司係難過中六合彩。」
- 「職場係咁，好多自私，小氣人。」
- 「係咁㗎啦，𠵱家畀你見哂真面目，記住！只係同事，同你有親咩，出嚟撈點都保留三分。」
- 「你老闆應該70後，𠵱家啲人係咁。」
- 「社會上咩人都有，不用理會。」
網民批該上司做法欠妥
又有網民認為該上司做法欠妥，直批「唔識做人」、「人格有問題」。
- 「你阿頭唔識做人。」
- 「係佢人格問題，正所謂好聚好散，無人知第日會唔會再見。呢一秒佢係你個阿頭，下一秒你變咗做佢個客或者係佢阿頭都無人知！」
- 「你阿頭都好現實喎。不過，世界咁細，好快又會喺出面碰頭！」
- 「走得好彩喎，呢啲上司/同事就係會背後捅嘅人。」
- 「其實大家都係打份工，使唔使咁。」
不過，有網民卻笑言，「其實係佢唔敢面對你，佢驚自己太傷心喊咗出嚟好肉酸」。
「人走茶涼」係香港職場嘅常態？
有網民則分享自己的經歷，認為人走茶涼是香港職場的常態，形容「香港人職場自私自利，你都無利用價值，仲會理你咩！」；又有人表示「香港人就係咁差，唔使做到咁絕。 香港咁細，第時你做返佢上司都有可能」。
「我對上辭職嗰間公司都係咁，收咗信，無面談，咩都無講，last day前點交接唔講。最大粒個上司last day仲要乘機串我，之後仲想等我派餅，講bye，睬佢哋都傻。香港大公司內部都係不外如是，辭咗職先後悔自己太遲辭職。」
「以前有個同事辭職，我都當佢朋友幫佢買飯。點知另一個同事原本同佢好friend，走嚟同我講使鬼理佢。我照幫佢，我覺得做人唔應該咁。」
網民勸樓主「仲有一個月你就解脫」
不過，有網民卻勸樓主「睇開啲」，既然已決定辭職，又已認清上司的為人，最後一個月不妨放鬆心情返工，更有人笑言樓主可以送一份離別禮物給上司，「等佢有少少唔順利」，作為報復的一種。
- 「係咁咪好做！大家唔使扮晒嘢。你唔做就無嘢驚㗎啦。」
- 「你可以送份離別禮物畀佢，等佢有少少唔順利。」
- 「放鬆心情做，仲有一個月你就解脫！」
