想見得成份工 醒你英文自我介紹技巧
廣告
見工有一條問題一定走唔甩，就係「Tell me more about yourself」呢條問題睇落好簡單，卻暗藏殺機。如果答得唔好，分分鐘就喺呢個環節DQ咗！所以想見得成工的話，就一定要學識阿滴教嘅見工答題方法，咁就可以做到英文見工冇難度啦！
自我介紹三步曲
自我介紹可以分三部分，大家可以按照不同公司、不同職位去更改內容：
過去：話俾人知你之前做咗啲咩、學過啲咩同經驗去裝備自己
現在：話俾人知你已經準備好，而且有能力勝任工作
未來：最後，話俾人知你因著你之前嘅努力，未來可以成為一個點嘅人才
自我介紹千祈唔好：
1/ 唔好朗讀自己份履歷表，份表有嘅，老闆有眼睇架。要講就梗係講啲冇寫嘅野啦！
2/ 唔好講得太長，大概一分鐘就夠啦。講得太長嘅話真係好悶架。如果老闆自己想再聽多啲，就會再追問架啦！
有用句式：
1/ I’ve always wanted to work in….
老闆一日in咁多人，in咁多post，點會記得你係嚟見咩職位呢？所以你就要開門見山，話俾佢知你去見咩工。
2/ I focus on/ I participated in/ It allow me to
用啲強烈啲嘅字詞，突顯自己一直非常用心、盡力去準備自己做好呢份工。
3/ I believe I have all the knowledge and skills…
講完自己之前有幾多幾多經驗之後，最後落個強而有力嘅結尾。咁就輕輕鬆鬆答完「tell me more about yourself」呢條必答題啦！
