畢業後一直做銀行 底薪不足3萬 27歲打工仔想轉行怕遲
廣告
過完農曆新年，又到打工仔準備跳槽轉工甚至轉行的季節，不過，日前就有一名27歲網民猶豫自己現在轉行會否太遲。
日前，有網民以「依家嘅世界，人到27先想轉行，會唔會太遲？」為題發文，指自己「一畢業到依家就做bank，依家個底先得2字尾，咁啱依家年頭遇到阻滯，想認真思考下自己係咪應該要轉行，但我唔知做邊行好，唔知自己鐘意邊行，我可以點做？」
網民：一日未死都唔遲
帖文一出，隨即引來網民熱烈討論，部份網民支持樓主轉行，主要是認為27歲仍然年輕，若要工作到70歲現在轉行根本不算遲，加上若然再過幾年樓主人工更高的時候，轉行的機會成本就更大，而且目前若轉行做IT的話將來會賺得更多：
- 「你要到70歲先退休，一日未死都唔遲。」
- 「37轉行都有啦，夕陽工業/移民，大把人被迫轉行。」
- 「要轉就早轉， 做Bank上咗去底薪高咗仲難轉。」
- 「轉IT吧，讀三個月bootcamp就ok，數據分析師果啲。」
- 「我最近都轉咗行，有時轉換下新環境個人唔同咗好多，識嘅人多咗睇嘅嘢多咗，甚至會搵到新嘅目標。」
- 「我覺得如果經濟壓力許可嘅情況下轉行係冇所謂，轉咗行又唔可以唔係返返以前個行做。」
- 「而家唔轉，到你30嗰陣就會後悔點解27嗰陣唔轉。」
- 「如果做bank 咁多年三皮都冇，都證明做bank唔啱你，轉啦。」
- 「都只係做咗嘢幾年，仲有幾十年，小學生都識計啦。」
「二字轉好過三字，利申三字，好驚轉咗就畀人炒，或者諗預咗某個歲數要靠自己好少少。」
網民：做人知足常樂啦
不過，亦有網民指樓主27歲已有接近3萬元底薪，已經比很多人好，加上香港沒有多少人真的會喜歡自己份工，若人工不錯又做到生活與工作平衡的話已經很好：
- 「你係黎生？邊Ｘ個會鍾意返工。」
- 「收入OK，又做到work life balance已經嬴。」
- 「30歲得14k，轉過幾行。」
- 「做人知足常樂啦，20尾k已經高。」
- 「27，2字尾人少過1成。」
- 「2字尾好過大把人喇，你要擔心嘅係不久嘅將來會唔會俾人淘汰。」
網民：香港地有邊個唔係咁諗
亦有心水清的網民一針見血指出問題，轉不轉行不是問題，問題是樓主根本不知道自己想做什麼：
- 「你諗到想轉咩再討論好過啦。」
- 「本身轉行無問題，如果你唔行動就會後悔，但係最廢係你唔知自己想轉邊行。」
「佢而家都唔知自己想做邊行都知自己想點？佢純粹話唔想再做佢嗰行，香港地有邊個唔係咁諗㗎，做果行厭果行。」
圖片來源：unsplash@ericjamesward
