為咗年尾雙糧可以去到幾盡 網民：憑住求生意志力撐住 ｜加薪
撰文：麗爾｜圖片：電視截圖
曾經有個朋友喺某大公司做，做咗8年，無加過人工，無雙糧，仲因小事俾人扣錢！
評心而論朋友做事能力真係唔錯，好有上進心，任勞任怨。
但唔知係咪因為學歷唔高，老闆好似覺得佢唔會咁輕易走，見佢肯忍，於是變本加厲⋯⋯工作量不斷增加。
到最後朋友頂唔順，決定要走，佢都好好彩有其他公司更好的offer。
老闆呢個時候先發現自己走寶啦，力挽佢希望佢留低，但俗語都有話「好馬不吃回頭草」啦，何況你哋當咗人地水魚咁耐，依加先話加人工又話補返之前OT錢，講到咁誠懇⋯⋯
「豺狼誠心禱告難道並沒企圖⋯⋯」
講真俾咁多時去證明自己嘅真心，但老闆你好似睇唔到咁，係人會心淡啦。
到依一刻你知我嘅重要性，我只係想你知道，你真係太遲啦。It’s too late to apologize.
有網民亦遇到相同問題，猶豫著去向。大家有興趣可以留言俾意見呢兩位感到迷失嘅打工仔～
問題1：
問題2： 過橋抽板 拎完雙糧唔要公司
加薪情況 404 not found
唔轉工 因為唔想再識過其他人
有網民提出想加人工，最佳方法還是轉工，正所謂：魚唔過塘唔肥！
有網民提醒要辭職都要留意返公司合約，小心早咗交辭職信⋯⋯
為咗年尾雙糧捱緊嘅你，記住你唔你孤單嘅！成千上萬嘅打工仔都為呢筆錢努力緊⋯⋯！每當覺得好辛苦，就提醒自己點解仲坐喺度！
延伸閱讀：高學歷唔等如高人工 網民：中五畢業人工係大學生3倍
【高學歷】考試係一場遊戲，但現實社會唔係，要往上爬的方法沒有公式。很多讀書叻的人，與人相處的技巧是零分。網民最近在討論區提及在同學聚會上，學歷低的一群人工平均多高學歷的高出3倍！
撰文：麗爾｜圖片：電視截圖
所謂一命二運三風水，你有父幹幫你用人際關係入大公司打工，不代表前途一片光明。
曾經喺某大公司工作，而之前有個三大嘅FG妹妹做呢個位。
有日隔離位個同事問我：「啊妹你入嚟做，係咪識高層啊？」
「唔係喎，可能係我扮到對份工好有熱情，感動咗上天同老闆。」
「哦⋯⋯因為之前個妹妹係董事個女，所以扮都唔洗扮就入到。 」
「X大⋯⋯咁佢咪讀書好叻？」
「佢係名符其實嘅高分低能，所以冇俾佢一齊負責啲大project⋯⋯佢最大嘅貢獻咪晏就幫手叫外賣⋯⋯」
一開初Fg找工作，公司必定先看你就讀邊間大學，再看你GPA。這些都有機會令你更易進大公司，但你入到去嘅造化都係要睇你自己。
媽媽嘅朋友當年讀三大的science，而她的丈夫亦同樣是讀三大，是位工程師。前幾年用技術移民拿到了澳洲藉。
當每個人都以為她是為了更好的生活環境而移民，她卻淡然地說：「係因為喺香港撈唔掂，咪諗住去澳洲發展，但點解都麻麻地⋯⋯唉。」
而佢喺澳洲更係未能融入當地社會，移民6年，到依加喺唐人街嘅雜貨店返工⋯⋯
亦有曾聽過有個case是某公司老闆，大學時修讀醫科。對他來說讀書是輕而易舉的事，他可以過目不忘，記憶力超好。後來選擇了從商，他有一班有聰明，很勤力為他賺錢的團隊。
身為下屬的卻不認為老闆是精明的人。
「他感覺上像一枱電腦，只是有足夠空間把海量的資訊儲存起來而已。」
職場上也遇過不少人，他們之所以高高在上，不是因為他們大學以first hon畢業，而是他們有著普通人失缺的潛能，可能係識同老闆溝通，又或係做人面面俱圓等。
常見例子係勁識跟老闆級人物溝通（再好的計劃書亦要有一個專業presenter向老闆解釋）； 有人唔會當面拒絕團隊的想法，因為他們會懂得怎樣去引導其他人去按照他們的意思去做。
當佢present緊時俾老闆鬧，鬧完仲笑容燦爛繼續講落去扮冇事，同你俾人話完之後，一秒變咗口疾疾咁⋯⋯咁個差別當然大啦 ～
