女同事Lunch成日拖數 事主驚追數「搞到Cheap曬」：點樣開口又不失禮貌？
廣告
不少打工仔透過和同事吃飯來增進感情，但面對同事經常性「拖數」，就會適得其反！近日，有打工仔在網上發文，分享自己多次被同事「拖數」，臉皮薄的事主不知如何是好，遂上網尋求協助。
女同事經常「拖數」
近日，有打工仔在社交平台專頁「扮工室Online」上發文，大呻有位一起食午飯的女同事總是「後數」，即打算事後再付錢，但轉頭又「冇咗件事」，於是請教各位網民應如何追數。
「有個女同事間中會一齊食晏，都唔係貴，譚仔茶記嗰啲$60、$70蚊餐，但次次後數之後冇咗件事，開口問幾十蚊好似好cheap咁，可以點做冇咁樣衰？」
網民紛紛獻計
貼文引來不少網民回應，有人揶揄「日日幾十蚊，佢隨時樓都買埋」。
也有不少熱心市民表示唔Cheap，同事之間AA制『均真』，又紛紛出謀劃策，建議直接在電子支付平台向對方收取該付的款項、明示或暗示對方還錢，更有不少網民認為，在收回所有款項後，就不應再與該同事食飯：
- 「問吓佢：『頭先餐飯係咪好好味呀？』」
- 「A . 鬥坐 B. 食完即刻好瀟灑咁走。」
- 「上次我埋，今次(輪到)邊個埋單呀？」
- 「下次再一齊食，然後話：「上次你未畀返錢我啊，今次你畀啱啱好。」」
- 「幾次之後一條大數問返佢，咁就唔cheap又唔樣衰囉，仲可以包保無下次。」
- 「直接講 『食晏果度60蚊多謝』 ， 之後佢會覺得你好Man 又『均真』。」
- 「你要做你認為啱嘅事，唔好理人哋點樣睇，問佢攞返錢好正常，日後喺叫完嘢食之後，問佢係咪後數， 喺佢面前Mark低， 或者叫佢即時畀錢。」
- 「佢嚟搵你食晏，你就話想自己一個人食，試得兩次佢就自己知乜事啦。」
圖片來源：unsplash@Mimi Thian、unsplash@jirehfoo、unsplash@Markus Winkler
