同事Cap圖「找錯處」放公司群組批鬥 請病假都要鞭屍！老細：我哋係大家庭

事主指，公司沒有系統，「每樣嘢都要人手電腦改」，而且員工不多，亦沒有人熟悉Excel的用法。

事主入職一個月後，幫手用Excel整理好所有客人的資料。又表示「清晰又易跟咗好多，但始終冇system，唔係籍口，真係好難唔做錯嘢。」

其後，有位同事將事主的成果截圖，並放上公司群組，指事主「做錯嘢」。事主隨後回覆：「唔好意思，希望下次可以私下講」。

事主亦與老細強調，表示自己不介意被人指正，但希望不要在群組裡面「公審」。不過老細表示：「呢個係大家庭，有咩可以喺度講。」令事主不禁心諗「打份工仲要同你玩扮煮飯仔？」

而最令事主「嬲到掟電話」的是，事主請病假時，該名同事又截圖兼點名事主「做錯嘢」，老細還幫口「No offence」。

因此，事主認為自己盡心盡力幫公司但仍不被尊重，

「係咪真係只要做錯嘢要喺group講比所有人知？呢個唔係面子問題，係可唔可以畀返啲尊重？」

網民笑言：你間接令同事廢咗！

帖文引來網民熱討，有網友認為事主好心做壞事，亦有不少人安慰事主「無需上心」：

• 「其實有機會係人地眼紅你做多咗，而間接令佢地廢咗，或因此而透明化咗d野扮唔到工」
• 「總有D同事/老細批評人、捉人錯處就一流，叫佢建設呀，做貢獻呀就99流，唔使在意，真係自己錯的，未下次執番正」
• 「樓主整咗MASTER FILE係一件對自己的好既事，可以自己收埋用，而唔係逼人用。整完出來逼人用，而D野有錯，咪比機會人話你，自己攞苦來辛」
• 「做得糾正現存錯誤的人，就一定要預了成為老海鮮的眼中釘」
• 「有system 只會令到佢地做多咗嘢，同要再做快d，所以好多人會對system 抗拒」

有網民笑言以其人之道，還治其人之身，「鬥Cap，之後都加句no offence」。不少網民圍爐取暖：

• 「以前份工就日日收到錯乜既cap 圖，個group 根本就係批鬥」
• 「我公司都係咁，連換水冇人換都喺個group度講，真心想quit group」
• 「我成日叫呢啲做批鬥group，job list叫公審list」

不過，亦有網民理解該名同事的做法：

• 「你做錯咗既野可能會影響到下一手，講出黎都係share information 令其他人唔好錯落去」
• 「見到有問題我都鍾意公開講，我用啲咩字一字一句個個都睇得清楚，唔會俾人唱」
• 「唔想俾人公開講，就唔好做錯俾機會人哋講，做錯左唔準人公開講，其實係心底有一點想不負責任既表現」

延伸閱讀：港股反彈創10年單週最佳 外資瘋狂撈底科技股 摩通靠呢3隻數日賺4千萬！

延伸閱讀：巴菲特Q3再輸100億 巴郡其他業務撐住股價：經營利潤按年增20%！