升一級做鍾意嘅嘢定升兩級做管理層？網民：manager唔係咩高title

人工不是考慮因素

日前，有網民以「升一級定升兩級？」為題，於Dcard討論區發文，指由於近日有兩個同事離職，上司給她兩個升職選擇，問她想做哪一個職位多一些：

「1）升一級，做嘅工作，學到嘅嘢係transferable嘅，做嘅嘢多元化，出到來path多啲揀，不過都係小薯仔。2）升兩級，assistant manager要manage 人，好多都係公司內部document處理，學嘅嘢都係自己公司內部嘅嘢多， 但係做呢個位，條path就定死左要係呢個範疇向上升。」

樓主又補充，人工有差別，但不是她的考慮因素，主要是懊惱升兩級再跳出去就可以做manager，但小薯位轉出去就有不同路可以揀。

網民：做管理，對人技巧很有用

帖文一出，網民意見兩極，支持樓主升兩級的網民主要論點是做管理學到對人的軟技巧很有用，而且高級一些，將來轉工會有更多選擇，而且AM可以學到小薯的工作範疇，相反則未必：

• 「2啦，people skill對長遠好有用。」
• 「2唔洗諗，如果比你做緊2會唔會專登降職去1學嘢？」
• 「肯定2，AM雖然assistant，但話晒都叫manager，你出到嚟可以揀返manager級或更低級嘅工，但1都係小薯，出到嚟都只可以揀返小薯級，你想學1嘅嘢，喺AM可以八卦佢哋，但你想學2嘅嘢，喺小薯級係冇可能！」
• 「睇公司size，然後睇你歲數。當然，如果人工相差超過20%，果斷衝錢，唔洗考慮。」

網民：有料做1都有人請你做高級

至於沒有一口咬定應該選擇升兩級的網民，主要是提醒樓主要考慮自己是否適應做管理層：

「要睇吓你適唔適應到由小薯轉做管理層，講緊係兩樣完全唔同嘅心態同處事手法，人際關係都會唔同晒、冇得好似以前咁同同事咁friend，所以好多人升完職就會被上司嫌棄未能勝任而被炒。」

「有料嘅，你做1出到去都一定會有人請你做高級位，mgr其實係好多公司唔係啲咩高嘅title，大把mgr仲低人工過第二間公司嘅senior，要title唔係真係咁難嘅事，睇得出你對am個scope唔係特別有興趣？如果你做得掂 ，2 年後都可以係同一間公司再升mgr，加上係做你鍾意嘅scope。」

網民：出黎做野唔係有料就得

不過，亦有網民提醒，「出黎做野唔係有料就得，仲好睇際遇，一個唔好彩樓主分分鐘做多3,5,7年都仲係小薯。一陣新role做唔掂點算？上司換人點算？到時有第二個更叻嘅同事同你爭點算？上面冇空缺點算？」

「出面大把manager都未必有得manage人，而家樓主仲有得manage人，長遠要做上去點都要management skills，比你係出面嘅公司請個manager會寧願請個管人嘅AM定officer？分分鐘screening都過唔到。如果揀咗1，但做落發覺同想像中有出入，咁就渣都冇，揀2你都起馬有錢同title。」