返工所有同事都係奸 網民：公司是非多過宮廷劇 ｜公司是非精
撰文：麗爾｜圖片：電視截圖
剛入職時，唔明點解附近幾位全職同事lunch都要避咗佢。
睇佢個樣都好心底善良feel，又叻女，都幾睇住我哋班新同事⋯⋯
直到同啲同事混熟咗，佢哋先話：「啊妹係因為你唔影響佢升職，你先唔發覺佢衰。我明職場有啲人係唔鍾意幫人，因為唔想益其他人，但唔洗都去害人⋯⋯」
事源係呢個女仔瘋狂地係背後搬弄是非，唔只篤背脊博上司歡心，挑撥離間，功勞永遠自己攞晒，總之講唔完佢啲衰嘢⋯⋯
呢種人，注定永遠無朋友，食飯無飯腳啦？
你就錯啦，佢仲會好自然咁，一到lunchtime自動過嚟⋯⋯
其實一諗到同俾佢害過嘅同事食飯，佢仲係可以好relax，面不改容食得好開心，有時仲講下笑過氹大家開心 （當然無人笑無人俾反應）
望住佢個樣，我諗起古裝劇入面嗰啲修煉咗幾千年嘅妖精，好懷疑佢都有份⋯⋯
近日有網民就返工都係奸所有同事發表討論，以下5種常見情況，你公司又有冇出現？
【公司是非精】1.錯少少就死硬
有啲同事天生黑面，把口好賤，真係會鬧到你眼濕濕。
其實還好，因為佢唔妥你，佢願意俾你知。你應該慶幸你遇到佢，因為呢種同事算唔上奸，最多⋯⋯真係講嘢mean啲，令人聽到好唔舒服。
【公司是非精】2. 篤背脊成公司文化
正所講「上樑不正下樑歪」，當你公司所有人都咁做，你自然會俾呢種文化感染，覺得好正常。
當你上司鍾意咁做，你唔多唔少都會覺得迎合佢係一件啱嘅事，甚至會覺得係呢份工嘅其中一樣負任。
【公司是非精】3.推卸負任
「呢樣唔關我事㗎，你問返相關同事啦。」
但明明就你負責，你咪嗰位相關同事～
「咁啊，err，之前我哋無做過啊，唔知個程序係點，不如今次你幫手做咗先啦，因為時間緊急嘅關係⋯⋯」
呢啲真係太極高手，永遠、所有事都唔關佢事，會氹到你幫手做，但深信有得呢次破例，咁下一次都會係你做。
【公司是非精】4.只求生存
好多人都會話： 自己是無辜的，我只係唔想被傷害
然後以保護自己為理由，去傷害別人⋯⋯
其實呢個咪係惡性循環⋯⋯冤冤相報何時了
【公司是非精】5.為自己舖路
「你同其他同事爭升職機會，佢無得升，你嘅機會自然大好多。」
憑住呢個理論，相信好多人為競爭而無辜受害捲入戰爭。
當然仲有幾個自以為與世無爭嘅同事⋯⋯對呢啲辦公室政治仲係懵然不知。
延伸閱讀：為咗年尾雙糧可以去到幾盡 網民：憑住求生意志力撐住
【年尾雙糧】加薪呢個動作，除咗有效留住員工，其實對打工仔嚟，講真係俾到認同感。講真大把人覺得自己做又36，唔做又36，不過仍然有勤𡚒嘅一堆（包括我！）好需要鼓勵！就年尾雙糧話題，近日網民於討論區發表意見，很多網民都表示現在只係等緊時機一到，雙糧一出，就同公司講拜拜。
撰文：麗爾｜圖片：電視截圖
曾經有個朋友喺某大公司做，做咗8年，無加過人工，無雙糧，仲因小事俾人扣錢！
評心而論朋友做事能力真係唔錯，好有上進心，任勞任怨。
但唔知係咪因為學歷唔高，老闆好似覺得佢唔會咁輕易走，見佢肯忍，於是變本加厲⋯⋯工作量不斷增加。
到最後朋友頂唔順，決定要走，佢都好好彩有其他公司更好的offer。
老闆呢個時候先發現自己走寶啦，力挽佢希望佢留低，但俗語都有話「好馬不吃回頭草」啦，何況你哋當咗人地水魚咁耐，依加先話加人工又話補返之前OT錢，講到咁誠懇⋯⋯
「豺狼誠心禱告難道並沒企圖⋯⋯」
講真俾咁多時去證明自己嘅真心，但老闆你好似睇唔到咁，係人會心淡啦。
到依一刻你知我嘅重要性，我只係想你知道，你真係太遲啦。It’s too late to apologize.
有網民亦遇到相同問題，猶豫著去向。大家有興趣可以留言俾意見呢兩位感到迷失嘅打工仔～
問題1：
問題2： 過橋抽板 拎完雙糧唔要公司
加薪情況 404 not found
唔轉工 因為唔想再識過其他人
有網民提出想加人工，最佳方法還是轉工，正所謂：魚唔過塘唔肥！
有網民提醒要辭職都要留意返公司合約，小心早咗交辭職信⋯⋯
為咗年尾雙糧捱緊嘅你，記住你唔你孤單嘅！成千上萬嘅打工仔都為呢筆錢努力緊⋯⋯！每當覺得好辛苦，就提醒自己點解仲坐喺度！
