睇上司有冇「開會癖好」就知佢嘅工作能力
廣告
【有「開會癖好」的老闆上司】正所謂樹大有枯枝，人多有白痴。但唔知點解，無論公司規劃大定細，都總係有呢三種豬隊友，令你每日心情低落懷疑人生。天啊！到底我做錯咩事，又會遇到呢種人啊！
臨放工開會
呢種癖好多數出現係上司或老闆身上，明明需要討論嘅工作唔需要所有人討論，硬係要召集所有人嚟開會。
尤其係臨放工，佢哋就會講「阻阻大家五分鐘，我哋好快咁開個會！」女朋友化妝話五分鐘搞掂，老闆亦都係一樣，無半個鐘都唔使旨意開完個會。
「會議」最重要目的，就係讓所有員工發表意見，然後共同決策，投選最好方案達成共識。
但鍾意開會嘅上司老闆，通常只會有佢自己講，其他人完全無發言權。
開會為「刷存在感」
即使有員工發表意見嘅時間，最後決策權亦只會喺老闆一人手上。
咁樣做除咗失去「會議」嘅最大功能。
仲會令原本積極進取嘅員工士氣變得低落，覺得工作事不關己，自然己不勞心。
而鍾意開會嘅人點解鍾意開會呢？！佢哋開會嘅唯一目的，就係「刷存在感」！
越廢嘅人越愛開會
當你提出自己意見，佢首先會用公司規矩嚟反駁你，繼而用佢嘅經驗擊潰你，以往無失敗就代表成功。雖然錯唔晒，但永遠唔會有突破。
日本心理學家榎本博明講過：「越廢嘅人越愛開會」，通常喺會議中樂於表達，提供創新意見，都係將群體化為動力嘅人。
當會議完結，佢一個人行返埋位，無咗群體喺背後支撐，就會失去晒執行動力。
此外，對於喜歡開會嘅上司嚟講，另一個重要嘅作用就係分散責任。
當一個決定係共同決策，咁結果是好是壞，都唔係佢一個人嘅責任。
有一個解決方法
如果你真係想扭轉局面，唔想輕易放棄，令自己變成對工作漠不關心嘅「Hea霸」。
提供一個解決方法，就係用盡全力，攪盡腦汁，搵出老闆／上司說話內容比較正確嘅元素認同佢！
然後先提出自己意見，對於「自卑」「刷存在感」嘅人相當有效。
最後，如果你發現自己就係有開會癖好嘅上司或老闆，不如試試下一次喺會議上多啲提出問題，多啲鈴聽，咁做先會發揮到會議真正用途。
