80後職場老手不滿Z世代「自私、瘋狂轉工」：呢代人日日嘈我加人工！

80後批Z世代：面試已叫價進取

80後網民指他不甚理解年輕職場新人，從面試時，已經感覺他們叫價十分進取，在試用期過後「例牌要求加人工」，但不是在試用期中有特別的表現。

• 「大家覺唔覺得95後係好自我？」
• 「面試叫價已經好進取，試用期完咗又好例牌要求加人工，講緊嗰三個月冇咩特別建樹同出色嘅表現。」

年度評核直接要求加人工

80後網民又指95後同事會在年度評核時，直接要求大幅度加薪。80後網民嘆已一年都平均加約2%！

• 「annual review直接講加薪唔理想」
• 「我哋都KEEP到每年大約2%，政府都凍薪⋯唔明點解啲後生可以咁唔知足？」

80後：返工浸返幾年先會走

面對95後工作習慣約1-2年就會轉工走人，80後網民回憶自己當年初出社會，根本不敢短時間內轉工！認為95後好應該在公司多學習、多吸收經驗、為公司拼搏！

• 「我哋嗰個年代，好多都係浸返10年8年先夠膽出嚟轉工」
• 「講真一兩年你學到幾多嘢？ 點解唔浸返幾年先走？」
• 「然後而家班後生一兩年就走，呢代人打工淨係諗利益諗錢⋯」
• 「而家班後生根本養唔熟，公司出糧畀你又出花紅，下下話人工低唔做所以轉工⋯」
• 「完全冇咗上一代嗰種為公司拼搏嘅心態，一味淨係識諗自己嘅利益！」

網民回應：返工唔為錢為咩？

80後網民的帖文一出，不但沒有網民圍爐和他一齊批評95後，反而有跨年代的網民都為95後平反，讚他們會為自己打算！

• 「話自己80後但講嘢似60後。個個做10年8年先敢轉工？唔覺囉」
• 「你揀人，人哋都揀你」
• 「唔好講到得你間公司先學到嘢咁，間間公司都有嘢學架啦，一定要低人工咁去學？」
• 「幫公司拼搏？？公司係咪一定會珍惜先？已被搵笨無數次，覺得依家啲後生做得很正確」
• 「轉多幾次工，學多d野，多d人生閱歷，係好事」
• 「公司文化好，福利好人工高既話，佢就唔會走架啦，佢走，即係你公司未達佢要求，就係咁簡單」
• 「而家咩都貴，如果$20,000加2%都係得果$400」
• 「我70後都未有佢咁old school，尤其是佢『為公司拼搏』嗰句，一係佢係腦細囉」

延伸閱讀：職場新人返工餐餐帶飯 老闆怪責離群被「情緒勒索」：自己一個食有咩問題？

延伸閱讀：職場新人見工、HR無睇學歷 感慨公開試成績表變廢紙：大家點樣耍走親戚？