打工仔「自殘式OT」一星期自願性加班4天做壞規矩：老細未放工，全部唔准走
廣告
香港打工仔出名勤力、搏到盡，為博升職加人工也好，抑或責任感太強也好，不少上班一族少不免要開OT、捱夜車。有網民在討論區發文，暗諷自己自殘式OT，奴性非常重。
有網友以「自殘式OT 香港打工仔奴性好x重」為題發文，指自己作為打工仔，自覺經常OT不收工，每星期返工五天，即使OT「冇補水」，但當中3至4天均會OT，「硬係會做曬所有野（嘢）。」他又指經常會先完成明天小部分的工作，「冇做就好不安咁。」樓主又指出，現在已經習慣了朝九晚七至八的工作節奏。
從不Say No
帖文一出，引出網民討論。有網友反問樓主，「係咪對未來時未知有恐懼？定係想第日工作舒服些少？或者會唔會係驚有突發工作所以鐘意預鬆些少時間。」
指出樓主對工作過份不安，樓主就回應指，「隔離個同事成日叫我幫手」，惟樓主從不拒絕並指「推不到」，有人直言樓主做壞手勢。
樓主又透露，因有家人需要照顧，反被網民直言「籍口」，並建議他另找工作。
而有另一網友指，自己「Weekend心情一差就會自動OT」，純粹想分散自己注意力。而有網友指出自己為過來人，並教路：「其實係份工工作量高先會咁」，而自己轉工後，因工作量減少，「已經ot唔到。」
準時收工反為有問題
在香港OT文化根深柢固，不時引起大眾熱議。雖然有人會認為自動OT即奴性重，但也有公司同事會覺得「準時收工」為有問題，或者默默等老細或上司離開才敢離開公司。
早前曾有網民指老闆要求新人等同事做完先收工，指當時笫一天上班，而上手同事收工，正打算與同事一齊離開。
怎知卻被同事要求一人留下，「刻意搵一D嘢我做！」又指香港的公司不時有「公司是我家」的上司，而上司一日未放工，全部無得走，又有人指：「當年我fresh grad入咗間公司，老細叫我坐多陣睇吓有冇同事需要幫手。」
圖片來源：unsplash＠josefandiaz、連登討論區截圖
