資深Team Head求助：新同事喺我面前睇緊JobsDB，點算？

發現Fresh Grad同事搵緊工

有資深打工仔在網上討論區發文，指自己一直對下屬不薄，工作上從未施加壓力，而且奉行「準時收工」原則，希望同事做得開心。

不過，樓主發文提到，最近無意間發現有新入職同事不時留意搵工網站，他意識到新同事有意另覓出路，反問：「我已經出盡力搞好關係，點解佢會想走？」直言好氣餒。

「身為條Team嘅Senior，我對班細嘅都好好，又冇chur佢地，又冇畀壓力，份工又可以準時收工，有時放假仲一齊去踩單車食嘢。」

「本來以為佢地都會好開心，但今日返工見到某個FG返唔夠三個月，就已經睇緊JobsDB。明明我已經出盡力搞好關係，而家好氣餒。」

網民安慰：打工都係講錢

有網民安慰樓主，認為對方搵工動作，不一定跟樓主管理手法有關：「唔駛氣餒，公司有人嚟有人走係好正常，做得管理層就要面對呢個問題。」

• 「可能佢覺得人工低或者返工時間長，所以想再搵工呢，唔一定係你嘅問題！」
• 「相信只係八卦睇下公司有冇請人。」
• 「其實關係幾好都冇用，打工都係講錢，人工唔夠咪轉工。」
• 「可能我守舊啦，FG起碼做夠一年儲下經驗先轉工吧，我呢行都唔算jumpy。」
• 「其實而家個市好咗，多左好多筍工，跳槽好容易。」
• 「你都可以搵搵，唔使咁上心喎！」

延伸閱讀：打工仔嘆人工低過中位數「無出息」 網民扯火：你慘？我40歲先搵$14,700咋！

延伸閱讀：香港小姐最貴鑽石后冠鑲880粒鑽石、價值428萬：等於香港打工仔幾多年人工？