見工想「正式少少」著西裝 HR嘲笑「邊有人返工咁著」 網民：真係世界變
廣告
見工時，打扮得得體一點都是想留下一個專業、認真的印象給公司，希望能在印象分「幫幫手」。以前想聽長輩說：「見工著套西裝就無死啦」，惟這一套在現今又似乎未必行得通。最近有打工仔在香港討論區上發文，指「而家見工著得太正式反而唔好？」，分享自己因衣著打扮而被HR當面指住「話我奇怪」，結果惹來熱議。
見工著西裝被指「太正式」好奇怪 HR：邊有人返工會咁著？
近日有網民於香港討論區發文，指自己見一份文職工時打算穿得「正式少少」，於是穿了恤衫加黑色長裙，豈料竟發生一件「搲爆頭嘅事」。樓主指「上到去填完form，HR入嚟見到佢由頭望到我落腳，以為佢欣賞我著得正式，去到臨尾嗰陣佢話：『如果第時你嚟返工你打算都係咁樣著返工？公司雖然冇衣著限制，但係著到咁正式其他同事可能會覺得你好奇怪，邊有人返工會咁樣著』」。HR此言令樓主好奇，「HR咁講係咪代表而家啲HR唔太鍾意見工著得咁正式？因為HR自己都係T-shirt牛他褲」。
網民：真係世界變
帖文一出，隨即引來熱議「見工到底要點著」，不少網民指「著唔著套老西都好視乎見咩工」、「去見M記、茶記你著西裝咪畀人笑，見Office工就好正常」、「我見工都係T-Shirt牛仔褲，斯文咪得」、「smart causal 就夠啦，除非係好專業行業」。不過亦有網民認為HR就是「麻煩生物」，指「又唔係去見三行工、打雜。。。之類，如果係去見文職咁著有咩問題？ 到真係返工時睇到個個都著casual wear自動會轉服裝啦，就算唔轉都冇問題，個人衣著品味佢識條鐵咩？ 呢個HR咁都問得出證明佢真係低低地」、「真係世界變，等人用時，只要個cv啱，話知你著底褲去都請」、「世上總有些賤骨頭唔鐘意人respect佢，冇計。或者份工好癈，唔expect有人去respect份工」、「HR係公司寄生蟲，將好的員工趕走，專請自己友，求其老屈你，佢自己永遠無錯」、「一聽HR講咩就知間公司咩質素」、「正式又話你正式，牛記又話你牛記，講真就係麻煩無聊」。
圖片來源：자체발광오피스劇照、《伊藤君A to E》劇照
