虛幣「腦細」拖糧玩失蹤 連登仔Bitcoin出糧硬蝕3成：去中心化點算好！

Crypto腦細疑失蹤

比特幣價格繼跌穿3萬美元大關後，跌勢未止！由歷史高位68,990美元起計「腰斬」逾5成，日前已跌至28,712美元水平；同時，以太幣亦再跌逾1成，挨近2,045美元水平。

無可否認，加密貨幣大行其道，有公司更以此作為出糧單位，但面對加密貨幣大洗倉，有網民自稱在加密貨幣交易平台工作，懷疑「腦細」無故失蹤，更引起拖糧疑雲。

日前，有網民在網上討論發文求助，表示自己在一間加密貨幣交易公司工作，職位為全端開發員（Full Stack Developer）。

不過，在市場風頭火勢之時，該網民懷疑「腦細」無故失蹤，除了缺席日常會議，連電郵等聯絡方法亦告「失聯」。

網民表示，「公司用BTC出糧，而家公司20幾個同事坐喺到都唔知點算好」，其後又大爆「腦細」對上兩個月都未出糧，就算出糧冇轉返真錢，估計「輸緊30%」，人工變相仲低過正常公司。

面對「腦細」疑似玩失蹤，網民希望發文警示同路人引以為戒：「唔好做Crypto related嘅工！」

網民：Crypto is scam！

樓主發文後隨即引起網民討論，對於事主公司以虛幣出糧更大感興趣，有意見認為，虛幣泡沫下，繼續以Bitcoin作為出糧單位實在毫無保障，建議樓主「及早歸去」。

• 「Crypto is scam，預咗啦！」
• 「收到風開始轉用LUNA出糧？」
• 「勞工處受唔受理？」
• 「去中心化仲點會有老細？」
• 「冒險樂園幣收唔收？」
• 「有無報稅都成問題！」
• 「等BTC跌返落1,000老細就會出嚟找數，唔怕！」
• 「去中心化呀，而家你先係老細！」
• 「BTC出糧點衡量欠款？」

延伸閱讀：

延伸閱讀：