老細專炒舊人換新血 「老海鮮」不忿新丁返工做企鵝：佢份糧仲要多過我！
廣告
作為一名打工仔，有時候未必能夠了解老闆的思維。近日有網民在Facebook專頁發文，大呻老闆偏向「炒舊人換新人」，不少網民圍爐取暖，並心有不忿「請啲新人番嚟做企鵝，啲嘢就俾哂你做！」
老闆鍾意炒舊人換新人
近日有打工仔在Facebook專頁「扮工室Online」發文，問網友「你哋啲老闆興唔興炒舊人，再低價請新人？」
帖文引來一眾網民圍爐取暖，紛紛表示自己身同感受：
- 「間間公司都咁。」
- 「鍾意炒舊人，高價請廢人。」
- 「我舊老闆賠錢炒左個舊人，2個月後加人工請返個舊人。」
也有網民持不同意見，「證明你間公司唔掂，連通脹都追唔上，唔係叫高價請人，人地都係巿價咋」
另一邊廂，不少人同意「係高價請新人，逼走d舊人」，並大吐苦水，指茶水姐姐也有更好的待遇：
- 「仲要請啲新人番嚟做企鵝，啲嘢就俾哂你做。」
- 「最慘係自己又搵唔到呢啲企鵝工。」
- 「定律，茶水姐姐仲高人工過我。」
- 「個茶水呀姐3點已經坐低禁電話睇報紙，5點準時走人。」
- 「基本操作，12點半已經叮飯，個理由係，費事到時阻住同事叮。」
網民分享職場自保
有網民分享職場自保的貼士，「所有文件，文檔，圖紙用手指做back up , 收工帶返屋企，樣辦放返舊款响公司，update 樣辦放格仔倉」，該網民又表示，「當老細冇圖冇樣辦，連客戶資料都冇埋，佢炒你前都會停一停。」
該網友又分享自己朋友的經歷，讓網民引以為戒，懂得保障自己。
該網民指，一位年近50歲的朋友，沒有大學學歷，靠年資升職加薪，月入近4萬，老闆為了節省開支解僱了朋友，並聘請一位薪金一萬多的新人取代。而朋友找下一份工甚艱難，即使開價1.7萬也不獲聘。
有打工仔表示認同，指「識嘅嘢從來唔放哂出去，尤其有機會威脅到自己嘅人，佢問邊樣你咪答邊樣，等佢自己摸多d門釘，搞多幾搞， 一個雄心壯志不停想搞局既人，尤其係空降既新上司，佢最終都會變番一隻好乖嘅豬。」
該名打工仔補充道，職場自保不能單憑一己之力做到，「呢d野要唔同部門老seafood互相配合，用多年同權力核心既聯繫同配合，將唔同嘅權限分散掌握起自己人度。」
圖片來源：unsplash@jeshoots、unsplash@Mimi Thian
