老海鮮力數職場新人四宗罪：斟水唔識讓senior先！
廣告
古語有雲，識做事不如識做人，在職場若懂得得罪人少、稱呼人多，做起事上來一定事半功倍。然而，要做到怎樣的地步才算識做人得來又不會過分擦鞋及奴性？日前，有相信是上一輩的網民在社交媒體大鬧近年職場年輕人不懂職場規矩，力數新一代職場四宗罪，當中竟然包括在飲水機斟水不懂先禮讓資深同事！
老海鮮：基本禮貌都冇晒
日前，有網民在Facebook專頁「奴工處」投稿，直指「近年班後生仔愈嚟愈唔識職場規矩」，並力數新一代四宗罪：
- 最常見就係新年期間老闆/部門主管派利是，但班後生仔個個都係坐喺度收利是
- 之後去水機斟水唔識讓senior先
- 開會時老世未坐低，班細嘅就即刻搵位坐
- 重有就係老世過嚟同你講公事，你班做細嘅就坐喺度聽，唔知重以為你哋係老闆
樓主更概嘆「香港真係一代不如一代，好基本嘅禮貌都冇晒」。
網民：擦鞋當禮貌規矩
帖文一出隨即引來網民熱烈討論，不過，大部分網民都不認同樓主的看法：
- 「一間階級觀念咁重嘅公司唔適合新人/年輕人入去做，最好全部都老ＸＸ坐到退休。」
- 「好明顯班老ＸＸ都唔明老細既心態，真係重視上向下既觀念，老細就唔會行去下屬個位度傾野，緊係搵人call條友入去老細房傾。」
- 「真係有階級觀念就連水機都應該有高層專用一部，低級一部啦。」
- 「日本職場啱曬佢。」
- 「同意收利是唔應該坐喺度，禮貌上應該企起身雙手接，但其他就唔認同，通常都係啲老ＸＸ先會咁有階級觀念。」
- 「笑左，其實最麻煩就係班老海鮮。」
- 「不如開個關愛隊讓位俾人斟水。」
- 「咁冇效率又充滿封建奴才味嘅嘢難為你可以咁理直氣壯咁講出嚟。」
- 「我自認老野都頂順投稿者依啲老ＸＸ，擦鞋文化當成禮貌規矩。」
圖片來源：Unsplash@steve_j
