打工仔斥「人類根本不應返全職」4大重點遭網民鬧爆：你食二手飯過活咪得
廣告
現今越來越多人選擇做兼職或斜桿族，認為總好過做全職工作，自主性更高。而近日，在LIHKG討論區中，更有港男以「人類根本唔適合全職返工」為題開帖文，引用狩獵時代的例子，來證明現今的人「奴隸感」有多重，結果引來網民鬧爆，指「講得出呢番話就知你注定失敗」。
港男數4大原因斥「人類根本不應返全職」
該名港男於文中提到，指現今世代朝九晚六，一星期上班五天，更是全年無休，根本是「比較接近奴隸制」；相反，他認為狩獵時代「一日做2、3個鐘，冬天休息」、「農耕時代日出而作，日入而息，冬天休息」，即是「做一排，休息一排，先最合乎人性」。
網民：你應該怪你父母無累積財富
網民隨後即留言反駁，指「你注定被淘汰」、「你無錢咪要全職返工，要怪就怪你父母無累積財富」、「狩獵時代做兩三個鐘就得? 你打返嚟啲肉識自己切開？自己自動煮埋畀你食? 打隻雞返嚟已經唔知用幾耐時間，就算打咗返嚟，用現代工具都起碼要半個鐘先搞掂，打到隻牛隻羊要劏幾個鐘添, 點會只做2-3個鐘，反而現代就真係唔使做都得，你日日去M記，去Food court食二手飯就已經可以過活，完全容易過咩狩獵時代農耕時代」、「你講緊呢啲onX嘢嘅時候，人哋已經領先緊你」。
亦有網民贊成不做Full Time
另外，亦有網民認為現今做Full Time不太划算，指「見到啲六日工作都唔開胃，寧願打份Part Time無錢啲都唔想無晒人生，每日就係奴隸咁日日返工返到死」、「太多無謂工，做到冇哂目標同動力，行屍走肉，人類係要做啲工作為全人類進步或者生存而做」、「人哋外國都玩一星期返四日，香港就……」、「唔適合OT，準時走到就ok」、「返Part Time或者Freelance基本上一日做幾粒鐘就得，唔使限死你坐定定喺度，好彩做幾份Job已經等於一個月人工，仲可以做其他嘢」、「返工逼車，放工逼車，食Lunch同Dinner都逼等位」。
圖片來源：《喜劇之王》、《棟仁的時光》、Unsplash@Sebastian Pociecha
