求職獲人工4萬5 網民反感多古惑仔同事 打工仔：依啲公司先正！

裸辭失業逾半年 求職心灰兼無自信：請我先算啦！

網民分享在舊公司遇上「空降新上司」，一改佣金分配制度，兼重新分配客戶，令個人收入大減；上司又杯葛舊班底，網民只好辭職另某高就。

• 「唔走真係唔得，由私佣轉公佣，收入跌足足一半有多」
• 「成條team被新上司洗牌，離職前更畀人玩孤立」

網民辭職後遇上疫情大爆發，面試機會甚少，失業接近半年，直言進入了「飢不擇食」的階段，不停搵工，只望有工開。

• 「出咗offer請我，隔兩日話公司有人中咗，叫我等通知」
• 「無收入近半年…除咗磨滅自信同迷失，更會飢不擇食，有得做咪邊做邊搵（工）囉！」

新公司面試：$45,000人工 現金出糧有無問題？

之後網民獲得一次面試機會，在新公司面試短短數10分鐘已覺得反感，直覺「office嘅人都賊眉賊眼」，對公司內的人甚為反感！

• 「我對古惑仔好反感，因為阿妹男朋友就係徹頭徹尾嘅古惑仔…正當職業都無，成日問我妹借錢！」
• 「彌漫住一股濃濃嘅江湖味…呢間公司無HR，in我嘅男人都戴晒粗金鏈…」

網民似乎戴了有色眼鏡，表示打算快快見完工後就走，「當大家無見過」。但當對方直接了當討論人工，得知網民上一份工平均4萬月薪，直接開價4萬5，人工升幅達12.5%！即使現金出糧，無強積金供款，也令網民十分心動，決定「做住先」！

「一間無HR無會計，仲要成班黑社會毫無架構嘅公司，竟然可以唔使理業績，一嘢就offer $45,000…我上一份工由私佣變公佣，最後幾個月勁低人工，而家一開口就出價$45,000， 好難唔心動！」

網民隨後答應翌日即可上班，更即時獲邀出席同事聚會，因為有另一個新同事出冊，「老細請食飯賀佢出嚟」。網民的經歷甚有古惑仔故事的影子，吸引不少打工仔留言分享，更指網民「身在福中不知福」！

打工仔：現金出糧正！同事爽直實無辦公室政治

不少打工仔大讚新公司同事率直，雖然粗枝大葉，但至少不像網民提及的舊公司同事愛玩辦公室政治，「唔怕有人背後插你一刀」！

• 「男人玩小圈子，仲小家過啲女人」
• 「啲同事好有愛，新同事都叫埋一齊去食飯，覺得係一間好公司」
• 「最少聽落對『同事』好有義氣…佢老闆都好坦白」
• 「話唔埋啲同事有義氣，如果係，點都好過辦公室政治啲小人啊」
• 「同事係重江湖味，點都好過前公司個阿頭啦」

亦有不少打工仔讚現金出糧好正，只要是正當公司就無有怕，更建議如果對公司有懷疑，或想處理強積金問題，就直接向公司提出要求。

• 「出（糧）現金正呀，金額仲要咁可觀」
• 「唔該幫我問吓仲有無位」
• 「唔駛mpf，正！」
• 「要保障自己，唔好怕煩直接同公司講自己搞返份強積金」
• 「其實主角（網民）可以幫公司搞報稅、強積金」

不論現金出糧或是電子轉帳等其他出糧方式，計小編話最緊要反而是簽訂員工合約，以證明員工及其公司之間的關係。能夠離關失業大軍，搵到可觀收入，兼可以一邊做一邊再尋找理想職場，其實都稱得上不錯！

上司情緒勒索 辭職同事搞破壞 重要文件周圍攝 網民：其實已手下留情

化妝即喬裝！用慣AI寫英文電郵 網民頭痕：依賴咗就唔夠膽「素顏」示人！