樹仁畢業生轉行跟阿媽做清潔工 輕鬆袋14K留戀「舒適圈」：日賺700蚊係爽嘅

樹仁畢業生轉做清潔工

近日，有網民在連登以「樹仁畢業後廢咗幾年，畀老母捉咗去做清潔」為題發文，指自己大學畢業後輾轉投身清潔行業，由於工作頗輕鬆，擔心自己安於現狀。

樓主表示，自己在樹仁大學歷史系畢業之後碰上疫情，輾轉之下投身餐飲業，直至半年前餐廳倒閉，樓主隨之失業。

直到上星期，樓主跟隨母親任職清潔工，發現做清潔工比起餐飲更高人工，「好多時上午做兩、三個鐘就收$400；下午去另一個地方做又收$300，平均一日都收$700」。此外，工作亦更輕鬆「我一個月返21日工，一個月都有14K，但係每日實做都只係6個鐘左右」。

樓主現時十分矛盾，表示「好驚自己會一直做落去」，同時「唔想離開呢個comfort zone（舒適圈）」。

網民：行行出狀元

帖文引來不少網民熱討，大部分網民同意，清潔工人是高薪行業，又指能夠經常「執到寶」：

• 「聽清潔姐姐講，疫情前寫字樓清潔仲好搵，一日實做4粒鍾都有2皮幾，好多師奶去做」
• 「做私樓豪宅仲好搵呀，班有錢人成日都掟D好野出嚟，有人試過執到surface laptop同幾千蚊外幣， 仲有Chanel袋 」
• 「識人做清潔成日拎啲嘢返黎問我果樣野值唔值錢，值錢又好新就清潔一輪叫佢擺上carousell賣，人地求其掟出黎嘅嘢已經差唔多你成個月人工」

有網民認為樓主應該繼續從事時薪高的清潔行業，又指「行行出狀元」，建議樓主學夠滿師再自己創業：

• 「其實多錢就得，唔洗理做邊行」
• 「真心抵做，當你做三個鐘已經收400，時薪高達133，你每日返六個鐘，二十日都16000，爽爆」
• 「唔覺有乜問題，樓主有咁多自己時間不知幾好，而且你同屋企住可以儲錢儲快啲，我係樓主就死都唔走」
• 「我有有同學都係做清潔+滅蟲，做咗5年自己開公司，包咗好多商廈清潔嚟做，啱啱買埋樓，諗起以前仲有份笑佢」
• 「樓主其實唔走都唔使擔心，呢行無後生做，只要你肯做，啲人見你又後生，一定大把job」
• 「我係你我就返多2更，做多幾年識落多啲人就做蛇頭，之後就再創業」

不過，也有網民認為做清潔工「浪費」了大學學歷，建議樓主不斷進修才是長久之計：

• 「話晒都大學畢業，讀書叫有用個腦，但出黎做野用手腳加時間換錢，真係好浪費」
• 「不如將賺到人工用落讀專業牌照課程做專業人士好過啦，例如nursing、裝修、扎鐵、電工果啲」

延伸閱讀：黃翠如遊摩納哥揭上車盤賣8,300萬 「百億千金」懷疑人生：連隻狗都食牛肝！

延伸閱讀：FTX恢復出糧竟然無預創辦人 「薯條哥」SBF承認搞砸了：窮到得返一張信用卡