東鐵過海｜打工仔首日返工逼爆車廂變「人肉沙甸魚」：一啲都唔興奮囉！

東鐵乘客變「沙甸魚」

萬眾期待的東鐵過海段昨（15日）開通，今日迎來迎來首個上班日，不少乘搭東鐵的打工仔慘變「沙甸魚」。有網民在討論區發帖指，「以前以為金鐘先會迫幾架車，而家其他站都企到金鐘咁，未通關都迫到咁，通完係唔係迫到上閘機呀 ? 」

該網民又指，「9卡本身座位設計已經極大缺陷，完全坐唔到一排人。」帖文引起其他網民共鳴，並紛紛留言討論：

• 「去多兩個站但竟然少咗3卡車，上水粉嶺已經冇位坐真係好慘！」
• 「粉嶺已經要等兩架先上到，太和、大埔基本等多一架」
• 「仲要新啲站月台係同地鐵一樣咁細」
• 「最少都要12卡啦。」

港鐵加密班次

據了解，港鐵在東鐵綫過海段的繁忙時間，列車班次可增至每2.7分鐘一班，以應付首個上班日的人流需要，又會密切監察載客情況，有需要時會安排「子彈車」特別班次，並呼籲乘客預留時間。

不過，有網民認為班次仍未夠頻密，紛紛表示「唔加到一至兩分鐘一班根本上唔到」、「今朝都仲係5分鐘一班，加密加密，加價就有份！」、「2分鐘先一班至叫正常。」

網民獻計：拆哂9卡啲座位！

亦有網民指出未能上車的問題所在，「前面啲人又唔行入啲，塞哂喺門口，明明就有位」、「香港人個個都咁自私，24卡都塞晒門口嫁啦」，更有今日做過人肉沙甸的網民就大呻「收工又要做黎明前的沙甸魚」、「來生不做新界人！」

對此，有網民獻計：「學日本咁拆左塊玻璃咪無得挨囉，仲有條柱頂住行入車中間」、「 9 卡拆哂啲座位算啦。」

另一邊廂，有網民表示今早乘搭東鐵尚算順利：

• 「我係沙田車頭超多人，不過行到去車尾就好鬆動。」
• 「大圍黎到迫爆，不過多人落車。」
• 「8點10分車，除咗太和有幾個人上唔到車，之後站既全部都上到。多人但未到好逼，金鐘轉港島線好快，行2分鐘」

延伸閱讀：技術分析比特幣 雙頂形成 量度跌幅可到14000元｜股無雙

延伸閱讀：移加港男求職信變「404」 4個月悟出搵工殺手鐧：無連登仔講到咁易！