月入10萬出糧即清零 呻做唔到中產 網民：唔做呢幾樣即慳5萬
廣告
在香港生活月入多少才算中產，一直都是網民熱烈討論的話題，收入2萬以為自己是中產大呻買唔起樓固然搞笑，但如果月入10萬都不夠錢使懷疑人生有是否合理？
未計子女開支已用逾7萬
日前，有網民以「現今家庭月入10萬仲算唔算中產?」為題在連登討論區發文，指自己月入10萬，並詳細列舉自己每月「必要開支」後所餘無幾，又補充以下還未計算子女花費：
「養車(供、停車場) – 8K
供樓 – $20K
管理費、差餉 – $3K
雙方父母 – $15K
雙方保險 – $3K
電話費、水、電、睇波、上網 – $2K
食飯 $3K X 2 = $6K
日常洗費 $5K X 2 = $10K
工人 = $5K
TOTAL : 都已經去左 72K」
網民離地建議：租樓唔洗錢
帖文一出隨即引來網民熱烈討論，當中有網民給予一個建議，減省部分開支，必要開支即變18K：
養車、供樓、管理費、差餉、雙方父母、雙方保險及工人全部不要，改為搭巴士、租樓、叫老豆老母食自己及叫仔女做家務，每月只需18K。
這個計法離地到令人哭笑不得，其他網民即反問為何租樓不用錢。
居住質素不算中產
此外，有網民對於樓主月入10萬但供樓只需2萬元感到好奇：「供樓20k，你果層咩樓？好奇8下。」樓主其後回應是半新樓，只有400多呎。如果以居住質素而言，又真的不可以說得上是中產。
網民：得十皮我寧願唔生
其他網民普遍都認真提醒樓主，還有很多其他看似離地但中產又真的需要的開支未計，尤其是子女開支，有人直指若果只有10萬收入會選擇不生小朋友：
- 「都未計每年兩次歐遊，兩次返鄉下，10皮點會夠。」
- 「交稅都冇左1萬一個月啦。」
- 「起碼個人月入廿萬先有資格買架jazz仔。」
- 「仔女教育一個月都15k+。」
- 「計漏左交稅同子女學費，月入10皮唔會讀津貼掛。」
- 「差唔多啦，但未計2個細佬要讀直資，十幾雞一年。唔想比人洗腦就讀國際，或者直接送出去boarding school，學費雜費高5倍。一個人月入十皮都應該唔太夠。」
「有小朋友呢個收入唔算中產，無小朋友都勉強啦，如果得十皮我寧願唔生。」
圖片來源：政府新聞處
