散水餅買港式麵包同事嫌Cheap！網民：有啲乞衣同事好期待塊餅

散水餅買麵包被同事嫌棄 直言好Cheap又無創意

散水餅作為每個打工仔離職前買來答謝同事幫忙的心意，不少人都會選購些外表美觀的食物。而最近於香港討論區，有名打工仔就以「同事嫌棄人地買散水餅」為題，寫下同事Last Day時的經歷。

事緣有同事Last Day，想請大家食散水餅，竟發現該名離職同事購買的散水餅是港式麵包，當中選擇不少，有雞尾包、菠蘿包、麥包、腸仔包及吞拿魚包。而樓主就指其他同事都嫌棄這份散水餅，更聽到有同事指出請食麵包好Cheap，而有同事就認為沒有創意，讓樓主感到嘩然，認為現時麵包價錢也不便宜，而散水餅本是一份心意，為何需要創意，其實同事可以選擇不買直接走人，故於文末高呼「依家食個散水餅都咁高要求㗎咩」。

網民齊撐辭職同事：心意啫！唔通要食滿漢全席咩！

帖文一出後，立即引來其他網民關注。有網民指出「呢啲散水餅文化我覺得可有可無，如果真係咁唔想食咪唔好食」、「心意啫！唔通要食滿漢全席咩！」、「散水餅呢啲嘢100%多餘」。

也有人支持散水餅買港式麵包，表示「如果係新鮮嘅菠蘿包，卜卜脆嘅，好食過好多散水餅啦」、「其他人唔食我幫佢食埋，兩個包當一餐」、「麵包幾好喎，有得拎返屋企當宵夜或明早當早餐」。

亦有人認為是其他同事心態問題，指出「有啲乞衣同事好期待塊餅」、「都唔知貪嗰一舊半舊蛋糕做乜，咁想食好嘢咪自己買」。

網民反指：要請就認真少少！

不過有網民卻認為即使散水餅是一份心意，也不可以馬虎。若然要請就要認真，出來社會工作給人良好印象很重要。也有人表示「一係就型到索性唔好請散水餅；一係就型到請體面啲嘅散水餅，唔好諗住懶有型咁又要請又要度縮，又要威又要戴頭盔。」

資料來源：香港討論區