打工仔仲有兩日過試用期 突然通知被解僱 ：我係咪畀人拎嚟祭旗？

打工仔遭解僱 懷疑被「祭旗」

近日，有打工仔於Facebook專頁「奴工處」上發文，指自己在試用期完結前兩天突然被解僱。

事主指，公司有一位「開國功臣」，近日因為一件事而得罪了客戶，該名客戶在公司的內部會議聲稱會「寫花公司record」。事主還有2天就過試用期，卻突然因為工作表現未如理想而被解僱，不禁令事主懷疑被人「祭旗」，讓開國功臣能夠明哲保身。

「個客公司內部開大會話會寫花我哋公司record，而仲有2日過試用期嘅我，完全冇出warning letter或口頭警告之下，就喺今日突然被人通知因為performance唔好而唔過試用期，賠7日通知金即走。」

網民安慰：走得快好世界

帖文引來網民熱討，有人表示有類似的經歷，深表同情，並安慰事主毋須留戀，提早離開反而有利：

• 「如果你知道佢係衰人，喺佢管理底下寸草不生，佢仲攬住你唔放，你到時騎虎難下咪仲慘，到時你想走都走唔到，難得依家對方開到口早走早著」
• 「要判斷一個人過唔過到試用期唔洗3個月咁耐，如果公司覺得個同事唔適合都唔會留佢咁耐，盞曬大家時間，通常1個月內，最多兩個月內就會請佢走，所以post主的確似係比人拎嚟祭旗」
• 「我試過，百思不解點解係我。但之後發覺，炒人要理由㗎咩？所以放低咗，而炒我嗰間公司至今都未請到人返嚟做嘢」
• 「係要炒就要炒，忘記呢件事，向前看，至少你賺咗7日人工」
• 「今日唔比人炒，遲早都會」
• 「咁呢啲公司唔需要留戀，無謂浪費自己時間」
• 「其實比人炒唔駛諗咁多前因後果，快啲搵下一份仲好」
• 「呢啲公司，走得快好世界啦」

另一邊廂，也有網民質疑事主：

• 「個錯係咪可以完全同你冇關係先？」
• 「其實只係單純過唔到試用期，唔好FF太多」
• 「人哋公司內部大會，你又知，自己公司祭旗又懷疑，每樣嘢都唔肯定，算吧啦」

延伸閱讀：50歲單身男持200萬現金退休 網民獻計自製長糧：每月多$10,000零用！

延伸閱讀：港媽加按層樓追星 負債600萬全家幫手還 網民勸女兒：唔好再做ATM！