八大碩士生職場「高分低能」 大爆學霸同事3大死穴：用經驗狠狠撕爛佢張沙紙
廣告
學歷越高能力越高？近日有打工仔指八大碩士畢業的同事工作能力弱，更力數高學歷人士欠缺3大能力，該話題引來網民兩極熱議。
近日有網民在香港討論區發文，直指「高學歷只係佢識得考試/識背下書/屋企俾到學費， 唔代表佢工作做嘢叻過人」，並指高學歷人士欠缺以下3種能力：
1.難頂高壓工作
樓主認為現時很多高學歷人士難以承受高壓的工作，寧願做相對較輕鬆的文職：
「好多大學生或碩士，根本應付唔到高壓力，太chur 既工，例如IBANK（投資銀行），牛津畢業都情願做幼稚園老師，教會文職， 就係承受唔到工作壓力」。
2.不懂人情世故
樓主表示社交能力與學歷無關，指「中學生都可以識人情世故」，而很多高學歷人士「連social （社交）都唔掂」。
3.欠缺Soft skills
他又表示，畢業於香港八大院校的碩士同事，或者取得澳洲碩士學位的同事，都不具備良好的軟技能（Soft skills）。
樓主又認為，容許學生全職或兼職修讀的修課式碩士課程質素不理想：
網民反應兩極：書都讀唔好，叻極有限
貼文引來網民熱討，網民反應兩極，有人認同高學歷不代表能力高，打工仔的工作經驗更為重要：
- 「有學識無見識，有學歷無閱歷，大有人在」
- 「今時今日，學歷最客觀的作用，就係帶出擁有者究竟交咗幾多學費」
- 「讀書叻只係入場券」
- 「其實有時學校學既嘢，出到社會都未必用得著。」
- 「高學歷又點，又未出嚟做野，職場經驗零」
- 「學歴提供職場所需的基礎知識，學生到了職場需要學習更多其他知識，所以工作經驗非常重要，而大學所提供的理論知識已經不屬於至關重要，但缺乏了又絕對不可以。」
- 「我絕對覺得讀書真係冇用，而家打機都可以賺錢」
- 「其實大把高學歷表面光鮮嘅，實質連基本禮貌、社交禮儀同生活常識都係0，所以人格從來係睇行為最實際」
另一邊廂，有網民指「連書都讀唔好的人，叻極有限」，認為高學歷仍然有很高的優勢：
- 「香港醫生有幾個中學畢業，幾多大學畢業生？自己諗。」
- 「至少學歷高，先可以根據自己性格，去選擇工作。」
- 「十個讀書叻嘅，可能有3個係高分低能; 十個讀屎片嘅，可能有3個工作能力高，相比之下，都係應該請個高學歷嘅。」
- 「最少高學歷的人，佢係學生時代能夠完成做學生應該做的本份，就係讀好書。無學歷的人，係連自己應做的本份都做唔到。」
- 「事實係果啲冇讀書但靠自己努力發咗達嘅人，佢地開公司做生意果時，都係請啲讀書叻嘅人。」
- 「但現實係機會俾咗啲名校畢業生先呢，如果大家都係無經驗。所以佢地永遠贏在起跑線。」
圖片來源：unsplash@Mimi Thian、香港討論區
