同事去旅行派手信要收錢！港男揀完日本手信被要求畀$5超無奈：香港都有啦
廣告
去完旅行返工派手信可謂一貫「指定動作」。日前，有網民在討論區發文，訴說同事去完旅行返工派手信的奇遇，堪稱「最伏日本手信」，令樓主「唔開胃」之餘，網民亦驚訝「咁都出得手？」
同事派手信突然表示要收$5
日前，一名網民於香港討論區以「同事去完旅行返嚟派手信」為題發文，分享在職場收手信的荒唐經歷。樓主的同事最近去日本旅行時買了幾盒餅當做手信，並讓同事們自行選擇。
揀完手信的事主便與同事寒暄，「好唔好玩呀？」、「去日本有冇睇到雪？」之類，在樓主手執香蕉蛋糕（Tokyo Banana）時，同事不斷盯著樓主並突然說：「香蕉蛋糕就5蚊，其他餅就幾多幾多錢」。
有違常理手信竟然要收費 令人愕然
樓主直言聽到同事要求收費十分錯愕，並表示「買手信返嚟唔係請人食㗎咩，咁樣叫同事揀完仲要收返錢？」樓主又認為去旅行也不是一定要買手信，「唔買唔請都冇問題，但係真係未聽過會有人買完手信返嚟問同事收返錢囉」。其後樓主補充，當時同事稱「我買咗手信返嚟呀，你哋揀」，所以樓主誤以為同事請客亦合乎常理；而且香蕉蛋糕在本港亦不難入手，樓主突被要求付款，實在措手不及。
網民：5蚊睇清楚個人值得呀
帖文一出隨即引起網民熱議，有網民表示沒想到原來派手信要收錢，直指「咁癲，幾蚊都收得出手？」、「5蚊照畀佢一條香蕉糕睇清楚呢個係咩人，值得呀」、「咁窮唔好買啦」。另外也有部分網民大讚樓主同事是商業奇才，紛紛表示「以前手人信係去完旅行買禮身畀親戚朋友係唔會收錢，而家手信係一種銷售手法，係用嚟搵錢」。有網民好奇問樓主當場有否付款，樓主回應：「笑住話要收錢㗎，咁唔食啦我今朝都食咗早餐」。
資料來源：香港討論區
圖片來源：Tokyo Banana官網圖片、ViuTV《大叔的愛》截圖、TVB《愛回家之開心速遞》截圖、ViuTV《IT狗》截圖、香港討論區
