後生仔「筍工」掀廢人爭議｜呢份工日日煲劇夠hea 18K月薪有雙糧
廣告
講求Work life balance 的年代，公司文化、工作環境、同事關係必然是考慮之列。有指Gen Z或者年青人未必一定會注重薪金，近日一個「後生仔」在討論區的貼文，指呢份「筍工」有18K人工已心滿意足。究竟是撰文者無上進心，抑或是社會向上流的空間遇上玻璃天花？已引發公眾廣泛討論。
「唔想做到隻狗咁」
撰文者不理會世俗眼光，撰寫以「其實後生做保安/座頭都幾舒服」的文章。
撰文者指現時工作為6天工作制，每天返工9小時，月薪有1萬8千元，還有雙糧。他似乎十分滿意現時工作條件，他說：「高自己少少人工，做到隻狗咁。」
他描述工作內容：
得閒同啲客吹吓搞吓Application，有工程嘢一定call工程部，唔會自己諗/搞，平時忙完登記裝修同返工嗰浸就free。睇吓片，賭吓波馬又一日。見到啲post高自己少少人工做到隻狗咁。
除此之外，撰文者還說豪宅盤福利：「成日食到名校妹/有錢佬啲少婦。」他又指農曆新年期間，更會收到多達3萬利是。
「就算住公屋，何樂而不為？」
此帖一出，即成為討論區熱話。有人認為樓主好廢，眼光狹窄；亦有人認為夠用便可，同樣可以開心生活，更認為社會歧視窮人。
支持樓主派：
- 係香港最緊要都係住 無人叫你住豪宅，就算公屋，何樂而不為？
- 然後萬零二萬完全足夠娛樂活動有突，只係社會依家不斷歧視窮人 覺得你無三萬以上都係廢。
- 所以我咪話公屋人生贏家咁解，租先千幾。
- 人愈大愈珍惜私人時間，有錢都買唔番。
- 我都係咁話，我都係6天工作，返8個鐘寫字樓，無咩做，返工玩下電話，40000嘢，14個月糧，個我想返5日，扣5000都制。
- 無問題, 你覺得自己值$18k 返六天 9碼0咪去做。
- 個人求其想搵下錢都ok嘅。
- 人工真係唔係越多越好，有時搵太多都會覺得好空虛。
認為樓主好廢：
- 你有冇諗過大把人返緊多你double 甚至 triple以上既人工，而佢地日日係office/wfh hea緊？
- 呢個收入無家庭負擔同似痴屋企住先舒服。
- 可以試下升職 保安隊長好似有六皮嘢一個月。
- 睇到18k已經唔舒服。
- 不求上進好X廢。
- 最尊重洗碗師 掃地師 保安師，不過個仔大個如果話想做依啲，或者個女話想嫁俾佢地，實打到佢XX。
- 一個月交成千幾管理費請你打機咩？！
圖片來源：政府新聞處、連登討論區截圖、Unsplash@ninjason、FB@香港單身狗關注組
