「屯門牛」警世文｜觀塘返工心很累 每日4個鐘搭車搭到忟：屯門樓幾平都咪買

家住屯門 觀塘返工 車程4小時

家住屯門的網民在討論區大吐苦水，指最近轉了新工，由屯門出發去觀塘返工，雖然入職只有2日，就已經發現自己收工一定心情變差，脾氣變得暴躁！

最近轉咗份新工，份工我好鍾意，返咗幾日都好開心，學到好多嘢。
但屯門返觀塘，返咗2日，心情開始變得好暴躁：
返9點，但6:30左右要起身；放6點，但返到屋企已經8點！
返咗2日，放工已經塞咗2次車，返到去完全唔想同屋企人講嘢，少少嘢唔順就好忟！

浪費時間通勤＝浪費人生

「屯門牛」網民提到自己很喜歡新工作，上班時間好開心，又學到好多新知識，心情變差與工作內容無關。由於在收工時間已經歷觀塘區常見的塞車問題，令他聯想到其實住屯門是不明智之選，返工一定要出市區，來回車程最少花2個鐘，「好浪費人生」！

「屯門返觀塘好燒心神，唔好問點解我唔揀啲近啲嘅工，因為我個行大部分都係喺觀塘個邊。」

「屯門啲樓幾平都好，千祈唔好買，簡直唔係人住，去邊都遠到XX！想返份人工高少少都要出市區，近極荔枝角都來回2個鐘，好浪費人生！」

「屯門牛」網民雖然只是想吐一吐苦水，但反映出返工放工要花長時間搭車，時間用在通勤上2至4小時不等，不單消磨自己的耐性，更不禁令他提出住屯門是萬惡的根源！

網民：不如試下住觀塘區

「屯門牛」網民的帖文吸引了其他網民分享解決方法，仲有同病相憐的網友齊齊呻！

• 「我一開始番何文田都躁，比以前番中學遠好多，日日來回3個鐘，而家習慣咗啲。」
• 「完全明呀我天水圍番將軍澳工業邨，雖然有公司shuttle來回都差唔多3個鐘…放工一塞就收皮。」
• 「我之前試過觀塘返屯門 我個陣夜晚1點訓6點起身，之後來回車程全部訓覺。」
• 「屯門去港島同去東九唔同，東九塞完觀塘再塞屯公，港島都係淨塞屯公。」

終極回覆：1. 唔做呢行，2. 搬去觀塘住

其實觀塘市區塞車、屯門公路塞車問題已不是新鮮事，究竟何時先有機會塞少一陣，可以比返咗一日工，又山長水遠返屋企嘅打工仔休息一下呢？

延伸閱讀：為做空姐港不惜貼錢返工 港女招聘面試慘被即場DQ：想喺朋友面前威返次

延伸閱讀：新入職同事被要求OT合群 理由是「其他同事未做完」：係咪我奴性太重？