八卦同事鍾意問私事 查家宅未算最離譜：「你係咪處女」可以點回佢？

八卦同事：你係咪處女？

開講有話，「上班好同事，下班不認識」，雖然每日工作都長時間和同事相處，但要拿捏好和同事的相處技巧，有分有寸，不是每個人都做得到。有網民更分享曾經被問「係咪處女？」立即引起熱討！

「想問下同事間傾計，要介紹自己有冇拍拖？」

「住公屋定私樓、公屋咩戶型、銀行有幾多存款、有冇諗住買樓？」

「父母幾大咩職業、家庭氣氛點樣諸如此類，係咪好常見？」

「第一份工試過畀人問係咪處女，究竟係咪我見識少，其實同事傾計就係要講呢啲？」

網民齊聲討：職場欺凌？

究竟有八卦同事問人係咪處女？苦主網民帖文一出，即激起其他網民諗計仔回應，盡顯風度兼有創意！

如果想同八卦同事繼續有計傾，可以回答：

• 答佢：「係啊！處女（座）啊？你點知㗎？」
• 輕鬆d 答佢：今日係
• 你答佢係啊，我攞緊貞忠報國架！
• 我唔係處女。。。我天蠍
• 你問返佢係咪射手
• 好似係又好似唔係，你呢？

如果想八卦同事專注在工作，可以回答：

• 「你反問返佢：你銀行戶口有幾錢 ? 如果佢答唔關你事或者知衰 唔答你，咁就唔駛理佢。」
• 「呢個世界得2件事，1件係關你x事咩，2係關我x事咩。」
• 「要（答得）有咁誇張得咁誇張，等佢收埋啲料都唔敢再攞出去同其他人講，就算講，都無人會信佢，等佢無癮！」

職場相處技巧：小心傾計變性騷擾

有網民提出，八卦同事問人「是否處女」，已經構成性騷擾，在《性別歧視條例》中有定義何謂性騷擾。

性騷擾例子

• 不受歡迎的身體接觸
• 盯著或色迷迷的看著別人或其身體部位
• 在工作間講色情笑話或討論性生活
• 展示使人反感或色情的資料，如展示裸露照片於電腦屏幕
• 使人反感的涉及的通信資訊（信件、電郵等）

針對個別人士

任何人向別人提出不受歡迎的性要求或獲取性方面好處的要求，或向別人作出其他不受歡迎並涉及性的行徑。
一名合理的第三者在顧及所有客觀因素後，應會預期作出這行為會使對方感到冒犯、侮辱或威嚇，這種行為便構成性騷擾。

不一定有特定對象

任何人作出涉及性的行徑，該行為不一定針對某一個人，但會對其他人造成一個具敵意或威嚇性的工作環境。

根據以上定義，即使同事們圍在一起講黃色笑話，令其他人感到「造成一個具敵意或威嚇性的工作環境」，已經構成性騷擾。

事主被問到「是否處女」，只要「造成一個具敵意或威嚇性的工作環境」，也是性騷擾。同事相處，開玩笑都要有分寸！

延伸閱讀：香港小姐最貴鑽石后冠鑲880粒鑽石、價值428萬：等於香港打工仔幾多年人工？

延伸閱讀：打工仔嘆人工低過中位數「無出息」 網民扯火：你慘？我40歲先搵$14,700咋！