同事辭職跳草裙舞！錯判形勢入房遞信「博加人工」，最後連份工都冇埋！

同事辭職亂跳草裙舞

日前，有網民於網上討論區文，表示「我同事成日話人工低又加唔到人工，同阿頭講佢打算辭職諗住可以加人工留佢」。據知，辭職同事滿有信心肯定，「呢招一定行得通」，於是決定以辭職為名為自己爭取加人工。

誰不知，網民再找同事了解結果時，同事竟得出預期相反結果，原來上司得悉同事打算辭職後，不單止未有加人工挽留，更主動幫同事計算餘下假期，甚至公司批准該同事扣假早走。

之後，公司管理層更向所有同事宣佈該名同事辭職決定，並召開緊急會議商討同事離職後的工作安排：「最快7月中就Last day啦，大家要交接就快啲傾掂數。」

該名以辭職博加人工的同事直指公司反應超出預期，又指自己「其實唔係真心想唔做」，他更想不到上司會如此順應要求，又協助他扣大假盡早離開。

打工仔點睇？

• 「轉公司可能加得仲多呢！」
• 「走唔係問題係最驚時間好快過要錢開支，除非做好左耐經驗或好有學歷唔怕搵唔到工。」
• 「好多人高估自己在公司的重要性。」
• 「其實一般打工仔，邊有話沒左邊個唔得吖！」
• 「加唔加人工，同走唔走人，可能有關係，但都可以完全冇關係。」
• 「草裙舞真係唔可以亂跳！」
• 「無牌都學人SHOWHAND。跳草裙舞，要自己有好路數唔志在。」
• 「依家好多公司都縮減人手，今年真係唔好裸辭！」

延伸閱讀：【買樓真實陰影】我本身諗住買樓，直至遇到呢兩個資深AA……

延伸閱讀：西灣河凶宅220萬！鳳姐疑服務不周被殺 單位笠笠亂嚇餐飽：睇完相起雞皮！