30歲印尼女傭又𦧲地！港婦列10大罪行睇到眼火爆：搞事果日就瞓喺廳！
廣告
女傭又瞓地！一位年約30歲的印尼工人，曾經於台灣打工照顧老人家婆婆，懂得以英文和普通話溝通，女傭獲港人家庭聘用半個月後，因「特別事件」導致解約。據知，涉事女傭最近返回印尼，中介公司亦表明會再即時協助女傭搵工，意味隨時「回流」香港家庭。
印尼女傭十大中伏位
一名香港家庭於社交平台發文申訴，自己早前遇上一名態度言行非常極端的印尼女傭。該名工人姐姐年約30歲，會講英文和普通話；不過，據前僱主所述，工人姐姐平日中午無嘢做就留在房間，直至「搞事嗰日就瞓喺廳畀你睇」。
前僱主不忘在帖文分享印尼女傭的所作所為，總括了十件「驚人事蹟」，又提醒中介公司將會為女傭重新尋找下一個家庭，提防中伏。
- 除了顧主本人，其他家庭成員佢都唔會聽你講嘢，開門又好、講早晨都好，都只會同合約上顧主做，其他人咪諗。
- 有朋友探訪或者去朋友、屋企人住所，見到任何人都不會打招呼，甚至「黑口黑面，Agent同佢講嘢佢都係咁串，應都唔應人」。
- 放假必須要放星期日，拒絕星期六放假，否則會到學校和中介公司告狀，甚至揚言到領事館投訴，「話自己唔可以放假。」
- 大話連篇：每日中午、晚上都由前僱主負責煮飯，煮完一齊食，不過工人姐姐會同學校、Agent講，「無畀飯佢食，佢就嚟死嫁啦！」
- 入屋一星期就開始搞事，打去學校問要攞返自己passport，又問「點解我哋可以keep佢passport」。實際情況是工人姐姐未收到身份證，所以passport由Agent保管：「佢發晒癲好似想攞返另有目的咁！」
- 做事只會有自己一套：工人姐姐唔會聽你教，「問佢啲嘢做咗未就會就話做咗」，其實根本就無做。
- 佢有要求你就必須要答應，如果你唔答應佢就黑口黑面，當晚或者第二日就會搞事，又嘈話要去領事館，又話搵印尼工會，總之就係你最緊要聽話，唔係有排你受！Agent 公司又要怕咗佢！
- 千祈唔好叫工人姐姐照顧小朋友：「佢只不過係叫佢哋起床叫幾聲，佢哋未起身，佢就話佢地唔聽話，一次之後就從未再叫過，小朋友一論盡小小倒瀉水，佢就出聲『妖』佢，黑佢面！」
- 簽咗一個月通知個人就正常，到期果日當晚未有得即刻黑面，第二朝又搞事，又話自己周身傷，「實情係佢自己出街仆返黎！又要去領事館啦！」
- 最後買機票走又要求要直航機，又要睇咩航班，邊度轉機，幾點飛坐幾耐，好似去度假咁。
前任傭主提醒，「佢唔係做唔做到野，佢係唔肯做唔願做，唔想做，一有咩唔鐘意就會要脅你去領事館，去印尼工會！」，又指工人姐姐最愛黑面講大話，又提醒該名工人姐姐將會重返香港，著大家要提防帶麻煩入屋！
圖片來源：FB@外傭僱主必看新聞訊息
