阿仔大學堅持讀「乞食科」港媽勸讀商科出人頭地：出嚟搵唔到錢，係咪由佢？

港媽拒讓兒子讀「乞食科」

早前有港媽在親子王國討論區以「阿仔想讀乞食科…係咪由佢算」為題發文，指兒子因為不喜歡Business（商科），以及擔心競爭大，最後選擇入讀Social Science（社會科學科）。

港媽分享自己對社會科學科的看法，指在現實中或是在網絡上，都看過就讀相關學科的畢業生「出到嚟搵唔到好工」。港媽嘗試勸說兒子無果，令港媽不知如何是好。

「同佢講咗但佢都係堅持，問佢之後想做咩佢又話未諗到，都唔知點好」。

網民批評：莫非唔讀醫就無前途？

貼文引來網民熱議，不少網民批評港媽的做法，有人直言「難聽過粗口」：

• 「不如你學識尊重下讀唔同學科嘅人先」
• 「乜你咁講嘢㗎，讀緊嘅人即係點呀？」
• 「把口咁差，個仔唔好畀你講中將來要乞食」
• 「犀利！全部讀呢科嘅同學，一次過畀你侮辱晒！」
• 「小朋友好慘，阿媽只關心錢」
• 「根據你嘅定義，大部分學科都唔值得讀，係唔係唔讀醫就無前途？」
• 「林鄭都係hku social science 畢業喎 」

也有不少人認為，家長應該支持兒子的興趣：

• 「何謂好工？點解用乞食科嚟形容，佢肯讀書我覺得要欣賞」
• 「好多人出社會工作都未必同大學讀嘅有關，只要佢有興趣又肯畀心機讀，作為家長都應該支持」
• 「我又覺得無乜所謂，佢有興趣讀就得，好過讀到一半話唔讀，有時讀完出嚟做嘢都未必做返相關嘅嘢啦」
• 「仔女鍾意讀有興趣先會讀得好，尊重佢地意願啦。」
• 「而家年青人肯俾心機讀書已安慰, 佢唔老嚟玩躺平唔讀書唔搵工仲擔心。」
• 「你應該慶幸阿仔有自己心目中喜歡的科目，咁樣先能夠讀得開心、投入，大學教育的精髓，並不單係學科知識，做人處事、求真精神等等等都好重要。」

除此之外，也有不少自稱「乞食科」出身的網民則分享個人經歷，表示「行行出狀元」：

• 「當年跟興趣選科，屋企冇畀壓力，讀得開心。畢業後雖然冇乜專業資格，但慢慢累積工作經驗和進修，一樣有不錯的事業。」
• 「我老公N年前就係讀乞食科，點知佢讀完就變咗搶手神科。我自己又係讀乞食科，但轉咗好多唔同行業，越轉越好，人工亦都高，跟你讀咩科沒有必然關係」
• 「我家姐大學讀 social science，畢業後去做admin assistant，再晚上進修讀番個accounting學位，條條大路通羅馬。」
• 「我都係你口中乞食科畢業，雖然我無成就，但都叫獲得我份工嘅入場卷。總好過入到熱門科但成績惡劣畢唔到業。」

延伸閱讀：打工仔辭職後有得分Bonus？網民狂嘲「太天真」：試過畀公司即時Cut轉賬！

延伸閱讀：公屋裝修│細佬搵阿哥夾錢裝修30年公屋 卻為一個原因反面 網民拆穿細佬詭計