兩餸飯當散水餅：網民票選最回本菜式｜點同外籍上司講「請你食散水餅」？

兩餸飯作散水餅 網民：必食椒鹽豬扒！

有網民在討論區分享，他的同事即將離職，想以兩餸飯作散水餅，仲叫公司每位同事自己揀餸！

其他網民紛紛提議必點兩餸小菜，當中「椒鹽豬扒」成為多個網民的心水推介，原因係物超所值，可以回本。

• 「西檸雞+椒鹽豬扒會唔會是個好選擇？」
• 「魚香茄子，豬扒。」
• 「叫肉餅就係散水餅。」
• 「椒鹽豬扒+椒鹽豬扒。」

請食兩餸飯 被讚有新意兼落重本

有網民讚該名離職同事不請食西餅，改請兩餸飯相當有新意，而且按人頭計，兩餸飯成本不便宜，可見辭職同事一樣「落重本」！

• 「你同事真好，請食成個lunch。」
• 「咁dump本，貴過買餅喎。」
• 「三四十蚊一個飯咁捨得。」
• 「散水飯，有新意。」
• 「食兩餸飯種好過咩創意IG甜品。」

小編根據《香港兩餸飯關注組》的分享，參考了岱民和權發的兩餸飯價錢：岱民兩餸飯現售$25， 權發兩餸飯現售$36， 若以價錢而言，以兩餸飯代替散水餅實在絕不失禮！

散水餅從何由來？

散水餅可能大家都有食過，到底有甚麼典故？

散水餅的由來就沒有一個劃一說法，起源已不可考。

翻查網絡資料，有指散水餅是由廣東話「散水」引伸出分開、離別的意思；亦有人提到「散水」可追溯至舊時的建築用語，屬於疏導雨水的技術。

而散水餅在香港職場已是約定俗成，每逢有同事離職，一般都會以散水餅贈予對方，亦會一齊食farewell飯。

至於離職同事亦會禮尚往來，在最後的工作天，向工作團隊的成員送上一點心意，作為道別的小禮物。

散水餅英文係？

假如離職同事想用英文表達「請大家食件散水餅」，散水餅其實沒有一個相對應的字詞，取而代之可以簡單表達：Please enjoy the farewell treats!

（英文教學內容授權：Melody Tam – melodytam.english）

延伸閱讀：Quiet quitting席捲職場 過來人躺平無聲辭職：香港人夠膽嗎？

延伸閱讀：工程師比教書搵少一半 人工停留2萬恨錯難返：呢行起跑足足慢人兩年！