兩餸飯殺入金鐘太古廣場 金鐘打工仔：「窮人恩物」賣75蚊食啲咩？
廣告
「兩餸飯」向來都是以平價、餸菜選擇多作招徠，同樣也是「糧尾救星」！打工仔糧尾都想有菜有肉，兩餸飯是一個好選擇。有網民分享留意到最近在金鐘PP（即Pacific Place 太古廣場)新開了一間兩餸飯餐廳，不禁慨嘆經濟差，同時反映了中環、金鐘這類金融重心地區都出現對兩餸飯的需求。
金鐘PP兩餸飯開價75蚊
根據網民分享，發現金鐘PP（即Pacific Place 太古廣場)有得食兩餸飯，大約75元， 以中環或金鐘等地區的飲食消費而言，$75一盒兩餸飯是否物有所值就見人見智，但一般打工仔的午餐使費，75元已經算是偏貴。
- 「係咪富貴兩餸飯，普通餸就唔值喇。」
- 「75蚊寧願坐多幾個站去其他地方食。」
- 「PP 個兩餸飯都唔平，75元兩餸，經濟幾差，金鐘人都要保持一份尊榮。」
- 「其實以前PP都有food court有兩餸飯，又唔代表經濟好唔好，俾多個選擇人先至正常。」
兩餸飯＝經濟差？
有網民指其實中上環一向都有兩餸飯店，只是現在經濟差，更多的人去選擇食兩餸飯，對於連金鐘商業區亦有兩餸飯店，的確驚訝！
- 「中環就一直都有。 PP就真係第一次見。」
- 「香港通常經濟唔好，就會越開越多兩餸飯。」
- 「再差d既話，一餸飯係咪會變成流行。」
網民倡研發兩餸飯指數
疫情關係封關已久，不少網民都希望通關會經濟變好，可以離開兩餸飯生活。現時生活圍繞防疫抗疫，難免苦悶。
亦有人提出外國以Big Mac指數了解大家的購買力，香港也可以制定一個兩餸飯指數，看看大家的消費能力！
- 「金鐘兩餸飯價錢，可以响官塘吃商務餐」
- 「好快只能食公仔麵。」
- 「外國用Big Mac指數，香港用兩餸飯指數。」
圖片來源：政府新聞處、FB@兩餸飯關注組
