打工仔斥著便服返工是低賤、做打雜　網民：私院醫生都係着便服返工

穿西裝才是高尚！打工仔斥著便服返工是低賤：睇死都係做打雜

最近有網民出文指「著便服返工好Cheap」，認為人靠衣裝，應該要有一件「似樣西裝」，不著西裝都只是做打雜，只可以找到一萬幾千，成世都沒有發圍機會。不過以衣服去斷定別人的努力和地位，就激發網民一連串的反擊，有人甚至看透世事，大指「無工開仲cheap」。

大部分行業都唔著西裝！網民：成個電影行業都著便服

大部分網民對於此言論都非常反感，覺得著便服或著制服，不能夠判斷別人的地位。「老闆通常都係便服」、「通常低層員工先著制服，高層唔洗著，自己諗」。

而且更列明有幾個行業都不用穿著制服，但身價與人工都比別人高！「成個電影行業都著便服」、「做銀行好多都係著便服返工」、「除左保安外，其他人，包括埋Director 都係著緊便服」、「私院醫生係會着便服返工」。

樓主言論才是低劣！網民：問呢D問題嘅人好cheap

而有網民更大指樓主所講的言論，以衣裝去評頭品足，此行為非常低劣，大指樓主才是最「Cheap」！有人認為打工仔努力地為工作和生活付出，與衣著根本無關。

「用cheap來辨別他人的職業，自己有何等的高尚，cheap只喺形容人品的素貭。」、「人工唔cheap咪得囉，又唔係同件衫過日子」、「覺唔覺得問呢D問題嘅人好cheap」、「Cheap唔cheap取決你和人相處時發出來的內涵」

資料來源：FB@香港討論區