Investlahk X 經濟一週專欄 – 港美股指數月度大市技術分析

1.FOMC後美金U turn，破埋今週高位，走強的美金首當其衝跌的就是港股；不過坦白講，呢轉都跌得快，現時HSI個走勢同自己一個月前live的預想開始有點唔同：

主要因為兩個原因，第一，佢4小時圖呢個楔形爆邊向下，支陰燭係1月尾以來最勁，除非今日可以瞬間修復翻上去16600，如果唔係就係呢兩個月第一次下破上升趨勢，有象徵意義，恆指自14xxx反彈至今都唔鼓勵大家short，現時爆邊，反而有空間搵機會short到落16100-16000大支持。

第二現時期指現時16600彈唔起，下關大支持就睇16100，好友最後希望係做翻個頭肩底個右肩；但最壞打算一旦呢個位都唔守，咁就要睇15750風水618；所以現時恆指走勢可能性都不少，頗棘手；最保險的做法都係等佢日內格局出咗先，再部署，例如好似今日咁，尋晚已部署等待中軸支持，出現反轉上升的型態先搏，就算今日追沽唔到，最起碼都唔會走咗去渣佢先。