移民前100小時港爸臨陣退縮 公開老婆「公主病」4宗罪：佢真係適合移民咩？

移民前力斥公主病老婆

近日，有一名將要移英的網友於Facebook專頁「曼城港人谷」中發文，大呻自己老婆不適合移民。

事主表示還有100小時便出發，近日處理好物業管理事宜，由於工人姐姐已搬離，事主老婆一做家務就「頂唔順」，而且對事主破口大罵，即使在小朋友或者外人面前亦不避忌。

事主認為老婆嬌生慣養，擔心不能應付英國生活，並列舉老婆的4大事跡加以佐證：

1. 我老婆係平時行兩步要截的士，唔太肯坐其他交通工具
2. 佢平時行兩步就會話比蚊針，噴左蚊怕水都會，因為咁樣我屋企係「零」效外活動的。我問佢怕唔怕英國有蚊？ 佢答我「英國無蚊的」，因為佢移咗英的朋友同佢講「英國無蚊的」
3. 平時有工人姐姐佢都唔會感恩，現在無工人要佢自己做佢會覺得我虧欠咗佢好多咁
4. 湊小朋友佢覺得我虧欠咗佢，佢呢種思想根深蒂固。我每次放工回家都會被小老x。另外佢成日話自己生仔係「往鬼門關走了一趟」是好偉大，是偉人。我問佢咁香港日日都有工業意外死人，啲工人又點？ 佢話係工人自己唔讀書去揀嗰啲工做…..

事主指，自己移民後應該會做工廠工人或地盤工人，成為妻子看不起的人感到「好辛苦」，又要做出氣袋，直言「回家是壓力」。

事主表示還有其他因素未能盡錄，不禁詢問廣大網友：「她真的適合移民嗎？」

網民喊話事主：你救了世界，不要放生！

不少網民建議事主，應該考慮清楚再出發：

• 「你老婆係一個超級大小姐，你去到英國只會當你係工人，你們好好傾下，移民唔係一件易事，你老婆唔面對現實，只會回流返香港，嘥時間、嘥精神、嘥錢。」
• 「你唔離婚，去到英國又要服侍你老婆大人，又要搵食，自己諗你有無咁多時間精力。」

不少網民認同事主「移唔移民都係辛苦」，指事主面對婚姻問題，並非移英問題。網民分析指，二人最大的問題是「唔夾」，而且事主老婆有「公主病」。

• 「個老婆你自己揀，希望巴打本著我不入地獄誰入地獄既精神做吓好心唔好放佢返出嚟。」
• 「你救了世界，不要放生！」
• 「你既問題應該係，你仲想唔想同一個你眼中咁難頂既人行落去。」
• 「咁既情況移咗民都好快離婚，英國真係唔適合公主住。」
• 「唔好離婚，你挽救所有男人。」
• 「她覺得生仔是自己為家庭作出了好大 sacrifice（犧牲）? 但其他媽咪可能覺得是上天給自己的 blessing （恩賜），差咁遠，點一齊過人世。」

亦有網民勸喻事主理解老婆的情緒：

• 「我移民前情緒都好差，成日話我老婆，到左英國就好好多，巴打，你放心去啦。」
• 「你太太應該情緒病，係香港都市病，你多了時間部佢會有幫助。」
• 「不過我覺得佢鬧你嘅重點有機會係週邊嘅嘢？ 例如食完lunch冇幫手執嘢，刷牙又整到周圍水唔抹？ 我覺得佢話咩生仔半隻腳叉咗入死門關嗰啲說話，似係覺得你乜都當老奉」
• 「過到黎，盡量自己做家務，係辛苦d，在外又要工作，家裡又做，當你太太睇到你辛苦，自然會明白。」

延伸閱讀：汪小菲公開天價家用清單 21條微博爆Seed反擊大S：你個窩囊廢換個床墊行嗎？

延伸閱讀：內地00後帶隊領跳「進化版廣場舞」：幾十秒高潮每月穩袋過萬人仔