90後BNO移民3年「英文仲係小學程度」憂入籍試肥佬被踢返香港：大家幫吓我！
BNO移民港人憂小學英文程度
日前，有一名移英3年的「90後」於Facebook「香港人移民英國資訊分享」發文，指自己英文水平是小學程度，未達到B1程度，因此擔心「以後攞永居或者入籍考唔過，英國政府會踢我回香港」。
樓主又指，新聞報道提到香港有20幾萬人到英國後，「其中應該有好多都係唔識英文」，「但佢地想過嚟試吓英國嘅生活」，如果這些港人未能通過英文試會否浪費「5+1年」時間，會唔會「焗住返香港？」，於是向網民請教有無其他辦法。
「老實講，五年時間由零學過，小一都升到上小五，自己都唔操唔練，日常生活英文都唔勇於去嘗試溝通，咁無人會幫到你，咁難怪英國政府會唔收㗎喎。」
- 「睇你一開波就話自己唔識英文點點點，你根本就唔想去改變，唔去諗方法點練好英文。」
- 「邊有人一出世就流利英文呀，每個人都係學㗎咋嘛，唔識咪去學囉！」
- 「人哋英文唔好都夠膽出走英國，剩係呢份勇氣都值得尊重啦！」
- 「我都90後，會考英文U都未驚過」
- 「政策係visa無限續嘅，所以唔會踢到你走，除非你visa過咗期先續或申請ILR。」
- 「我都係小學程度，我半年前裝apps去學英文，每天同AI講10分鐘英文。」
- 「 考唔成英文唔會趕你返香港嘅，不過要再續BNO VISA直至你考到為止。」
- 「我英文都好差，我都未驚，只要肯行出第一步，同本地人溝通，唔怕醜夠膽講，冇乜嘢可以驚。」
另一方面，英國《預算案》指廢除原居地非英國的居民，海外收入只要不匯進英國，便不用繳稅的制度，即是廢除非居籍(Non-Domicile)的匯入制。由2025年4月開始，原居地非英國居民，首4年都不用繳付海外收入稅款，但之後便要與所有英國居民看齊，預計2028及2029年可帶來27億英鎊庫房收入。
英國入籍試英語程度
只要你是18歲以上，當你要申請入籍英國或永居，就要展示你英語能力的證明，證明方法是取得英語B1, B2, C1或C2 Level的資格；又或在英語國家取得全英文授課的本科或本科以上學位。
如申請者已65歲或以上，又或長期身體或精神有問題並獲醫生開出豁免證明，英語能力證明要求便可豁免。
Life in the UK 考試包含24個問題，涉及英國價值觀，歷史，傳統和日常生活等主題。考試總長45分鐘，考生需要在45分鐘內答24道題，考生必須答對至少75%，即18題，才算是合格。
英國政府於2021年1月29日公布，將「特許入境許可(LOTR)」的通道延至2021年3月底。同時，將於1月31日下午5時起，申請人可在網上登記新簽證後(確實網址將於通道開放後盡快更新)，前往北角的簽證申請中心提供指紋及照片以辦理手續。
BN(O)移民簽證可經網上登記，再到北角的簽證中心遞交生物特徵。自2021年2月23日起，如合資格的申請人持有附生物特徵護照，包括持有BN(O)、香港特區護照、或歐洲經濟區(EEA)的生物特徵護照，亦可利用指定的手機應用程式「英國移民：身分檢查（UK Immigration: ID Check）」掃描護照，並完成申請。
