移英港媽推16歲怕醜仔仔做M記 時薪72蚊「識朋友」 網民憂賺經驗、輸學業
廣告
不少打工仔人生第一份兼職，都是為幫補家計、或是賺取零用錢。近日，有移民至英國的香港媽媽在社交媒體分享，自己「推」16歲仔仔返人生第一份兼職的經歷，引起熱烈討論。
移民港媽：發現「做麥記都唔簡單」
港媽在社交媒體發文表示自己仔仔雖然16歲，但性格較仍然為怕醜內斂。所以她希望透過仔仔可以透過返兼職賺取人生經驗，「接觸多啲人唔洗咁怕醜」。所以決定力推兒子出去做part time，希望可以開開心心識多啲朋友。
港、英時薪福利相差甚遠
港媽表示，自從兒子打算返兼職後，才發現「做麥記都唔簡單」，更驚訝發現原來在英國麥當勞，兼職員工每年都有有薪大假：
「麥記係一個好選擇，接觸社會嘅踏腳石，但原來要做麥記都唔簡單，申請NI就好基本，要面試2次，Ref check，仲有一堆online lesson要上，上晒先可以正式返工，所有嘢包括返工時間全部上網login返個系統睇。」
從樓主發布的圖片中可見，當地18歲以下麥當勞店員的時薪為8.25英鎊，折合約港幣72元。而18歲以上的員工時薪則為10.5英鎊折合約港幣93元。有網民發現，同樣在麥當勞工作，香港與英國的薪金相差多達一倍，既羨且妒。
- 「做m記人工都咁高…留喺香港真係做奴隸。」
- 「開心啦，16歲已經有8鎊一個鐘。」
亦有不少網友稱讚樓主仔仔生性，希望小朋友工作順利：「Support，年青人要多嘗試。」
網民：有時間讀好啲書啦
不過，亦有網民擔心，過早讓在學的兒子投身社會，可能會影響學業，勸樓主不需急於推仔仔返工，擔心小朋友心智未成熟，會被同事教壞。
- 「陰公，16歲要迫出嚟做嘢，好心有時間讀好啲書啦。」
- 「內向應該搵社工傾，呢度係英國。」
- 「我覺得工作呢啲真係唔洗太早體驗，佢大個啲就有三五十年可以慢慢體驗。」
- 「好多人就係細個返呢啲工學壞，做服務業壓力大，見啲同事放break食煙跟住試兩啖咁就一世。認真搵吓其他活動唔好咩？」
樓主及後亦補充，自己只是鼓勵仔仔嘗試搵兼職，並沒有強迫仔仔一定要返：「係我提議佢去試下嘅，成個過程佢自己apply，而家啲小朋友仲有得迫架咩？」
圖片來源：Fb@英國香港人生活交流區
